‘ఈ పాస్’ ఉంటేనే.. అనుమతి..!
1 min read
– రాష్ట్రాల రాకపోకలపై స్పష్టత
– కర్ణాటక బార్డర్ చెక్ పోస్టను తనిఖీ చేసిన ఎస్పీ
పల్లెవెలుగు వెబ్, కర్నూలు: రాష్ట్ర ప్రభుత్వ ఆదేశాల మేరకు.. ఈపాస్ ఉంటేనే పొరుగు రాష్ట్రాలకు వెళ్లడం.. ఏపీకి రావడానికి అనుమతి ఉంటుందని కర్నూలు జిల్లా ఎస్పీ కాగినెల్లి ఫక్కీరప్ప స్పష్టం చేశారు. కరోన వైరస్ నియంత్రణలో భాగంగా గురువారం అంతర్రాష్ట్ర సరిహద్దులో ఉన్న పెద్దహరివాణం చెక్ పోస్టును ఆయన ఆకస్మికంగా తనిఖీ చేశారు. ఈ సందర్భంగా ఎస్పీ మాట్లాడుతూ ఈ నెలాఖరి వరకు కర్ఫ్యూ ఉంటుందని, రెండు వారాల పాటు మధ్యాహ్నం 12 గంటల నుంచి మరుసటి రోజు ఉదయం 6 గంటల వరకు ఆంక్షలు ఉంటాయని వెల్లడించారు.
పొరుగురాష్ట్రాల నుంచి రావలన్నా… మన రాష్ట్ర నుంచి ఇతర రాష్ట్రాలకు వెళ్లాలన్నా.. తప్పనిసరిగా ఈ పాస్ ఉండాలన్నారు. ఎమర్జన్సీ వాహనాలకు ఎటువంటి పాస్ అవసరం లేదన్నారు. అనవసరంగా తిరిగే వారిపై కేసులు నమోదు చేసి జరిమానాలు విధిస్తున్నామన్నారు. జిల్లా వ్యాప్తంగా రోజు వారిగా 3 వేల వాహనాలను సీజ్ చేస్తున్నామన్నారు. 150 వరకు కేసులు నమోదు చేస్తున్నామన్నారు. గ్రామాలలో కూడా కరోనా కేసులు నమోదు అవుతున్నాయన్నారు. అంతకు ముందు ఆదోని పట్టణంలోని శ్రీనివాస భవన్, భీమాస్ సర్కిల్ తదితర ప్రాంతాల్లో కర్ఫ్యూ అమలు తీరును ఎస్పీ డా. ఫక్కీరప్ప పరిశీలించారు. ఎస్పీతోపాటు ఆదోని పట్టణ డిఎస్పీ వినోద్ కుమార్, ఆదోని సిఐ పార్ధసారధి, ఇస్వి ఎస్సై విజయలక్ష్మీ ఉన్నారు .
About Author
