రక్షకభటులకు… కిట్ల పంపిణీ
1 min read
– ఎస్పీకి అందజేసిన లయన్స్ క్లబ్ గవర్నర్ లయన్ చిన్నపరెడ్డి
పల్లెవెలుగు వెబ్, కడప బ్యూరో: కరోన విపత్కర కాలంలో ప్రజలకు సేవలు అందిస్తున్న పోలీసులు ఆరోగ్యంగా .. క్షేమంగా ఉండాలని ఆకాంక్షించారు .. లయన్స్ క్లబ్ అఫ్ కడప అన్నమయ్య గవర్నర్ లయన్ కే.చిన్నపరెడ్డి. మంగళవారం జిల్లా ఎస్పీ అన్బురాజన్కు లయన్స్ క్లబ్ తరుపున విటమిన్ డి, విటమిన్ బీ కాంప్లెక్స్ మాత్రలు దాదాపు 600 కిట్లను అందజేశారు. ఈ సందర్భంగా చిన్నప రెడ్డి మాట్లాడుతూ కరోనా సెకండ్ వేవ్ నేపథ్యంలో అహర్నిశలు శ్రమిస్తున్న పోలీసు సేవలు వెలకట్టలేనివన్నార. పోలీసు అధికారులు, సిబ్బంది సంక్షేమానికి తమ వంతు సామాజిక బాధ్యతగా టాబ్లెట్ కిట్లు అందజేశామన్నారు. కార్యక్రమంలో కడప వన్ టౌన్ సి.ఐ టి.వి సత్యనారాయణ, ప్రెసిడెంట్ లయన్ డా. విద్యాసాగర్ రెడ్డి, లయన్స్ క్లబ్ అఫ్ కడప అన్నమయ్య మాజీ ప్రెసిడెంట్ లయన్ బి. జనార్దన్ రెడ్డి, కార్యదర్శి లయన్ జోజిరెడ్డి, జాయింట్ సెక్రటరీ లయన్ సంజీవ రెడ్డి తదితరులు పాల్గొన్నారు.
About Author
