సరికొత్త షో, ఫ్యామిలీ నెం.1 ..మీ జీ తెలుగులో!

పల్లెవెలుగు వెబ్ కర్నూలు: తెలుగు ప్రేక్షకులను అలరించేలా సరికొత్త కాన్సెప్ట్లతో రియాలిటీ షోలను అందిస్తున్న ఛానల్ జీ తెలుగు. ఆదివారం మరింత వినోదాన్ని అందించడానికి సూపర్ క్వీన్, లేడీస్ & జెంటిల్మన్ వంటి షోలతో అలరించిన జీ తెలుగు ఈ వారం నుంచి మరో సరికొత్త షోతో మీ ముందుకు రానుంది. తెలుగు ప్రేక్షకులను బుల్లితెర, వెండితెరపై అలరిస్తున్న తారలు తమ కుటుంబాలతో కలిసి సందడి చేయనున్న షో ఫ్యామిలీ నెం.1. ప్రముఖ యాంకర్ రవి, రోహిణి హోస్ట్ చేయనున్న ఈ షోలో ఎనిమిది సెలబ్రిటీ కుటుంబాలు పాల్గొననున్నాయి. ప్రేక్షకులకు అంతులేని వినోదాన్ని అందించడానికి సిద్దమైన ఫ్యామిలీ నెం.1 ఆగస్టు 6న ప్రారంభమై ప్రతి ఆదివారం ఉదయం 11 గంటలకు, మీ అభిమాన ఛానల్ జీ తెలుగులో ప్రసారం అవుతుంది.కామెడీ పంచులు, అదిరిపోయే టైమింగ్తో తెలుగు ప్రేక్షకులను ఆకట్టుకునే రవి, రోహిణి హోస్ట్ చేస్తున్న ఫ్యామిలీ నెం.1లో ఎనిమిది సెలబ్రిటీ ఫ్యామిలీస్ కలిసి కొన్ని ఛాలెంజింగ్ గేమ్స్ లో తలపడనున్నాయి. అన్ని కుటుంబాలు ఆసక్తికరమైన పేర్లతో ఈ షోలో పోటీదారులుగా అలరించేందుకు సిద్దమయ్యాయి. కమెడియన్ ధన్రాజ్ తన కుటుంబంతోపాటు, ప్రముఖ బుల్లితెర నటులు సిద్ధు, విష్ణు ప్రియ సీనియర్ హీరోయిన్ రాశితో కలిసి, ప్రముఖ నటి శ్రీ లలిత తన కుటుంబంతోపాటు ఏకనాథ్ హారికతో కలిసి, నటి మహేశ్వరి‌‌ తన కుటుంబంతోపాటు అర్జున్ అంబటితో కలిసి, విలక్షణ నటుడు హ్రితేష్ తన కుటుంబంతోపాటు అప్పారావు జోడీతో కలిసి, ప్రముఖ నటుడు కౌశల్ మండా తన కుటుంబంతోపాటు ప్రభాకర్ జోడీతో కలిసి, పాపులర్ సింగర్ కృష్ణచైతన్య & మృదుల జంట సాకేత్ జోడీతో కలిసి, యాంకర్ ధరణి ప్రియ తన కుటుంబంతోపాటు సోహెల్తో కలిసి ప్రేక్షకుల ముందుకు రానున్నారు. ఈ కుటుంబాలు వారం వారం సరికొత్త టాస్క్ల్లో పాల్గొంటూ వినోదం పంచడంతోపాటు తమ జీవితాల్లోని ఒడిదొడుకులు, తాము ఎదుర్కొన్న పరిస్థితులు, సాధించిన విజయాలను ప్రేక్షకులతో పంచుకోనున్నాయి. ఈ కుటుంబాల్లోని సభ్యులు తమ ప్రేమకథలు, ఎదుర్కొన్న కష్టనష్టాలతోపాటు మరెన్నో ఆశ్చర్యకరమైన సంగతులను ప్రేక్షకులతో పంచుకుంటారు. ఈ షో ద్వారా ప్రతి కుటుంబ బలం, బంధం, వారి మధ్యనున్న అనుబంధం ప్రేక్షకులకు పరిచయం కానున్నాయి.ఈ ఆదివారం ప్రసారం కానున్న లాంచ్ ఎపిసోడ్ ఆద్యంతం ప్రేక్షకులకు మూడు గంటలపాటు వినోదం పంచుతుంది. కంటెస్టెంట్ ఫ్యామిలీల అదిరిపోయే ఎంట్రీ, సెలబ్రిటీల అద్భుతమైన ప్రదర్శనలతో పాటు వారి పరిచయం ఫ్యామిలీ నెం.1 మొదటి ఎపిసోడ్ను ఆసక్తికరంగా సాగేలా చేస్తాయి! అంతేకాదు, త్వరలో విడులకాబోతున్న ‘ఉస్తాద్’ చిత్రబృందం కూడా ఈ షోలో పాల్గొని సందడి చేయనుంది.  కడుపుబ్బా నవ్వించే కామెడీ పంచులతోపాటు మైమరపించే డాన్స్లు, ఆటలు, పాటలతో కూడిన ఫ్యామిలీ నెం.1 ఆరంభ ఎపిసోడ్ ఆద్యంతం ఆసక్తికరంగా సాగనుంది. ఫ్యామిలీ నెం.1 అని అనిపించుకోవడానికి ఎనిమిది కుటుంబాలు సాగించే వినోదభరితమైన సరదా సమరాన్ని మీరూ చూసి ఆనందించండి.

About Author

PvNews1

See author's posts