రూ. 500 కోట్లతో ప్రభాస్​ కొత్త సినిమా

హైదరాబాద్​; బాహుబ‌లితో ప్రపంచ వ్యాప్తంగా గుర్తింపు తెచ్చుకున్న తెలుగుహీరో ప్రభాస్. బాహుబ‌లి త‌ర్వాత పాన్ ఇండియా స్టార్ అయ్యాడు. ఇప్పుడు మ‌రో బ్లాక్ బస్టర్​ సినిమాకు సిద్ధమవుతున్నాడు డార్లింగ్​ . అయితే బాహుబ‌లికి మించి ఈ సినిమా రూపొందించే ప్రయత్నంలో ఉన్నారంట.. ఆ నిర్మాత‌లు. ఆ నిర్మాత‌లు ఎవ‌రో కాదు మైత్రీ మూవీ మేక‌ర్స్. ఇటీవ‌ల చిరంజీవి మేన‌ల్లుడు పంజా వైష్ణవ్​ తేజ్ ను స‌క్సెస్ ఫుల్ గా తెలుగు తెర మీద లాంచ్ చేసిన నిర్మాతలు. ఇప్పుడు అదే జోష్ మీద ప్రభాస్ తో దాదాపు రూ. 500 కోట్ల బ‌డ్జెట్ తో పాన్ ఇండియా మూవీకి ప్లాన్ చేస్తున్నార‌ని ఫిల్మ్ న‌గ‌ర్ లో పుకార్లు షికార్లు చేస్తున్నాయి. దీంతో తెలుగుతో పాటు దేశ‌వ్యాప్తంగా ఉన్న ప్రభాస్ అభిమానులు ఈ క్రేజీ కాంబినేష‌న్ కోసం ఎదురు చూస్తున్నార‌ట‌. త్వరలో ఈ సినిమా సెట్స్ మీద‌కు వెళ్తుంద‌ట‌. ప్రస్తుతం క‌థపై చర్చలు జ‌రుగుతున్నాయ‌ట‌. క‌థ ఫైన‌ల్ అవ‌గానే ఈ సినిమాని ప‌ట్టాలెక్కించే ప‌నిలో ఉన్నార‌ట స‌క్సెస్ ఫుల్ చిత్రాల మైత్రీ మూవీ మేక‌ర్స్ నిర్మాత‌లు.

About Author

PALLEVELUGU

See author's posts