పత్తికొండలో చంద్రయాన్ 3 సక్సెస్ సంబరాలు
1 min read
పల్లెవెలుగు వెబ్ పత్తికొండ: చంద్రయాన్ 3 విజయవంతం కావడంతో పత్తికొండలో సంబరాలు జరుపుకున్నారు. తెలుగు యువత ఆధ్వర్యం లో పత్తికొండ నాలుగు స్తంభాల కూడలిలో బుధవారం చంద్రయాన్ 3 విజయవంతమైనందున బాణాసంచా పేల్చి, స్వీట్లు పంచిపెట్టి సంబరాలు మిన్నంటాయి. ఈ సందర్భంగా టిడిపి, తెలుగు యువత నాయకులు మాట్లాడుతూ, చంద్రయాన్ 3 కోసం పనిచేసిన శాస్త్రవేత్తలు అందరికీ ముందుగా శుభాకాంక్షలు తెలిపారు. చంద్రయాన్-3 జాబిల్లిపై సేఫ్ గా ల్యాండ్ అవడంతో, యావత్ భారతదేశం ప్రజలందరూ సంబరాల్లో మునిగిపోయారని అన్నారు. .చంద్రయాన్-3 విజయవంతంతో ఈరోజు సువర్ణ అక్షరాలతో ప్రపంచ పటంలో లిఖించదగ్గరోజని తెలిపారు.చంద్రయాన్-3 విజయవంతం ద్వారా భారత శక్తి, సామర్థ్యం ప్రపంచ దేశాలకు తెలిసి వచ్చిందని అన్నారు.ఇది మనకెంతో గర్వకారణం అని పేర్కొన్నారు. ఈ సందర్భంగా జాతీయ పతాకాన్ని ప్రదర్శిస్తూ నినాదాలు చేశారు. ఈ కార్యక్రమంలో సాంబ శివారెడ్డి,మనోహర్ చౌదరి,రామానాయుడు,లోకనాథ్,బి.టి.గోవింద్,తిప్పన్న,కడవల సుధాకర్,మోహన్ రెడ్డి,గుడిసె నరసింహులు,సింగంశీను,మునినాయుడు,శ్రీకాంత్, తిక్క రమేష్,విజయ్,రవి,ఉలిగెన్న,రామ్ మోహన్, బాలప్ప, సురేంద్ర,రంగన్న, యువత పాల్గొన్నారు.
About Author
