టిడిపి విజయానికి బాలయ్య అభిమానులు కష్టపడాలి.. టి.జి భరత్
1 min read
– ఘనంగా నందమూరి మోక్షజ్ఞ బర్త్ డే వేడుకలు
పల్లెవెలుగు వెబ్ కర్నూలు: రానున్న ఎన్నికల్లో తెలుగుదేశం పార్టీ విజయానికి హీరో బాలయ్య, మోక్షజ్ఞ అభిమానులు కష్టపడాలని కర్నూలు నియోజకవర్గం తెలుగుదేశం పార్టీ ఇంచార్జి టి.జి భరత్ అన్నారు. నందమూరి మోక్షజ్ఞ బర్త్ డే వేడుకలు టిడిపి జిల్లా పార్టీ కార్యాలయంలో ఎన్.బి.కే మరియు మోక్షజ్ఞ సేవా సమితి ఆధ్వర్యంలో ఘనంగా నిర్వహించారు. ఈ కార్యక్రమంలో ముఖ్య అతిథిగా టి.జి భరత్ పాల్గొని అభిమానుల సమక్షంలో కేక్ కట్ చేశారు. అనంతరం తలసేమియా చిన్నారుల కోసం ఏర్పాటుచేసిన రక్తదాన శిబిరాన్ని టి.జి భరత్ ప్రారంభించారు. ఈ సందర్భంగా టి.జి భరత్ మాట్లాడుతూ సినీ పరిశ్రమలో హీరో బాలయ్యకు మంచి ఫాలోయింగ్ ఉందన్నారు. త్వరలో హీరోగా మారనున్న మోక్షజ్ఞ కూడా మంచి సినిమాలు తీసి సక్సెస్ అవ్వాలని కోరుకుంటున్నట్లు భరత్ అన్నారు. ఇక బాలయ్య అభిమానులు కూడా తెలుగుదేశం పార్టీ విజయంలో కీలక పాత్ర పోషించాలని సూచించారు. బాలయ్యపై ఎంతో ప్రేమ చూపిస్తున్న అభిమానులు రాజకీయాల్లో టిడిపికి అండగా ఉండి ప్రజల్లో చైతన్యం తీసుకురావాలని కోరారు. చంద్రబాబు నాయుడు ముఖ్యమంత్రి అయితే యువతకు బంగారు భవిష్యత్తు ఉంటుందన్నారు. ఈ కార్యక్రమంలో టిజి భరత్ తో పాటు టిడిపి నేత సోమిశెట్టి వెంకటేశ్వర్లు పాల్గొని మాట్లాడారు. బాలయ్య ఫ్యాన్స్ మంచి సేవా కార్యక్రమాలు చేస్తారన్నారు. వచ్చే ఎన్నికల్లో కర్నూల్లో టి.జి భరత్ విజయానికి ఫ్యాన్స్ కష్టపడి భారీ మెజారిటీతో గెలిపించాాలని కోరారు. ఈ కార్యక్రమంలో ఎన్.బి.కే, మోక్షజ్ఞ సేవా సమితి అధ్యక్షులు లతీఫ్, ఉపాధ్యక్షులు మోతీలాల్, ప్రతాప్, జావీద్, అస్లాం, వెంకటేష్, తదితరులు పాల్గొన్నారు.
About Author
