చంద్రబాబు రివ్యూ మీటింగ్లో పాల్గొన్న టి.జి భరత్
1 min read
పల్లెవెలుగు వెబ్ కర్నూలు: టిడిపి అధినేత చంద్రబాబు నాయుడుతో జరిగిన రివ్యూ మీటింగ్ లో కర్నూలు నియోజకవర్గ తెలుగుదేశం పార్టీ ఇంచార్జి టి.జి భరత్ పాల్గొన్నారు. నంద్యాల జిల్లా బనగానపల్లెకు బాబు ష్యూరిటీ భవిష్యత్తుకు గ్యారెంటీ కార్యక్రమంలో భాగంగా చంద్రబాబు వచ్చారు. ఈ సందర్భంగా కర్నూలు పార్లమెంటు పరిధిలోని నియోజకవర్గ ఇంచార్జీలతో కలిసి చంద్రబాబు సమీక్ష సమావేశం నిర్వహించారు. ఇందులో పాల్గొన్న టి.జి భరత్ కర్నూల్లోని వార్డుల్లో తిరుగుతూ ఇప్పటికే భవిష్యత్తుకు గ్యారెంటీ కార్యక్రమం చేపట్టామని, బాబు ష్యూరిటీ భవిష్యత్తుకు గ్యారెంటీ కార్యక్రమాన్ని కూడా కర్నూల్లో మొదలు పెట్టినట్లు చంద్రబాబు దృష్టికి తీసుకెళ్లినట్లు చెప్పారు. పార్టీ నుండి వచ్చిన సూచనల మేరకు ప్రతి కార్యక్రమాన్ని ప్రజల్లోకి తీసుకెళుతున్నట్లు వివరించానని భరత్ తెలిపారు. రానున్న ఎన్నికల దృష్ట్యా పార్టీని బలోపేతం చేస్తూ ప్రజల్లో చైతన్యం తెస్తున్నామన్నారు. ఈ కార్యక్రమంలో పార్లమెంటు అధ్యక్షుడు బి.టి నాయుడు పాల్గొన్నారు.
About Author
