కార్యాలయాలన్నీ తగిన గాలి వెలుతురు వచ్చేలా ఉంచుకోవాలి
1 min read
– జాయింట్ కలెక్టర్ నారపురెడ్డి మౌర్య
పల్లెవెలుగు వెబ్ కర్నూలు : కలెక్టరేట్ లోని కార్యాలయాలన్ని గాలి వెలుతురు వచ్చేలా ఏర్పాటు చేసుకోవాలని జాయింట్ కలెక్టర్ నారపురెడ్డి మౌర్య ఆయా కార్యాలయాల అధికారులను ఆదేశించారు.శుక్రవారం కలెక్టరేట్ లోని కార్యాలయాల ఆధునీకరణ కార్యక్రమంలో భాగంగా కార్యాలయాలను జాయింట్ కలెక్టర్ నారపురెడ్డి మౌర్య పరిశీలించారు.జాయింట్ కలెక్టర్ నారపురెడ్డి మౌర్య మాట్లాడుతూ ఈరోజు కలెక్టరేట్ లో ఆధునీకరణకు సంబంధించిన కార్యాలయాలు డ్వామా రికార్డ్ రూము, మీసేవ కేంద్రం, కలెక్టరేట్ తపాలా సెక్షన్, డిఆర్ఓ కార్యాలయంలోని అన్ని సెక్షన్లను, ఫిర్యాదుల విభాగం రూమును, డి ఆర్ ఓ కార్యాలయం రికార్డు రూములను, KRRC కార్యాలయమును, జిల్లా పౌరసరఫరాల శాఖ కార్యాలయంను రీ మోడల్ జరుగుచున్న సిపిఓ కార్యాలయం కంప్యూటర్ విభాగమును, కాన్ఫరెన్స్ హాల్ తదితర కార్యాలయాలను ఈరోజు పరిశీలించడం జరిగిందని, కార్యాలయంలో ఎక్కడ కూడా విద్యుత్ వైర్లు వ్రేలాడకుండా చూసుకోవాలని, కార్యాలయాలకు తగిన గాలి వెలుతురు ఉండేలా రీ మోడలింగ్ చేయించుకోవాలని, రికార్డు రూములను ఆధునీకరణ పద్ధతిలో ఏర్పాటు చేసుకోవాలని, అవసరమున్న చోట కబోర్డ్స్, సెక్షన్ల పాటిషన్స్ ఏర్పాటు చేయాలని డిఆర్ఓ కె మధుసూదన్ రావును, ఆర్ అండ్ బి ఈఈ సురేష్ బాబు, ఆయా శాఖల అధికారులను జాయింట్ కలెక్టర్ ఆదేశించారు.వీరి వెంట డిఆర్ఓ కే మధుసూదన్ రావు, ఆర్ అండ్ బి ఈ ఈ సురేష్ బాబు, డి ఈ రవిచంద్ర, తదితరులు ఉన్నారు.
About Author
