చెడుపై మంచి సాధించిన విజయానికి ప్రతీక విజయదశమి
1 min read
– దసరా పండుగ ప్రజల జీవితాలలో కొత్త వెలుగులు నింపాలి..
– శుభాకాంక్షలు తెలిపిన మున్సిపల్ చైర్మన్ దాసి సుధాకర్ రెడ్డి.
పల్లెవెలుగు వెబ్ నందికొట్కూరు : చెడుపై మంచి సాధించిన విజయానికి ప్రతీక విజయదశమి అని నందికొట్కూరు మున్సిపల్ చైర్మన్ దాసి సుధాకర్ రెడ్డి అన్నారు. దుష్ట శిక్షణ, శిష్ఠ రక్షణతో ఆదిపరాశక్తి గా నిలిచిన దుర్గమ్మ ప్రజలకు సదా స్ఫూర్తినిస్తుందని తెలిపారు. పురాణాల ప్రకారం లోకమాత, ఆదిపరాశక్తి మహిషాసురుని అంతమొందించింది విజయదశమి రోజునేనని అందుకే విజయదశమి రోజున విజయానికి స్ఫూర్తిగా నవరాత్రులు అమ్మవారికి పూజలు చేయడం ఆనవాయితీగా వస్తోందని తెలిపారు.ముఖ్యమంత్రి వైఎస్ జగన్ నాయకత్వంలో రాష్ట్రం అభివృద్ధి బాటలో నడవాలని, ప్రజలకు ప్రగతి ఫలాలు అందాలని ఆయన ఆకాంక్షించారు. దుర్గామాత దయ, ప్రజల దీవెనలతో నందికొట్కూరు మున్సిపాలిటీని అన్ని రంగాలలో అభివృద్ధి చేయడం జరుగుతుందని ఆయన విస్వాసం వ్యక్తం చేశారు. నందికొట్కూరు పట్టణం దసరా శోభను సంతరించుకోవడం హర్షణీయమన్నారు. ఈ విజయదశమి ప్రజల జీవితాలలో కొత్త వెలుగులు నింపాలని ఆయన ఆకాంక్షించారు. భక్తి శ్రద్ధలతో, సంతోషంగా పండుగను జరుపుకోవాలని ఆయన కోరారు.
About Author
