ఘనంగా అంతర్జాతీయ విభిన్న ప్రతిభావంతుల వారోత్సవ వేడుకలు
1 min read
పల్లెవెలుగు వెబ్ పత్తికొండ: మద్దికెర మండల కేంద్రం స్థానిక కమ్యూనిటీ హాల్ లో సెక్రెడ్, మదర్ థెరిస్సా మండల వికలాంగుల సమాఖ్య ఆధ్వర్యంలో సోమవారం అంతర్జాతీయ విభిన్న ప్రతిభావంతుల దినోత్సవ వేడుకలను ఘనంగా నిర్వహించారు. ముందుగా దివ్యాంగులంతా గ్రామంలో ర్యాలీ నిర్వహించారు. ఈ కార్యక్రమానికి ఎంపీపీ అనితా శ్రీనివాసులు, జడ్పిటిసి మెంబర్ మురళీధర్ రెడ్డి, ఎం.ఈ.ఓ రంగస్వామి, ఎపిఎం మధుబాబు , ఐఈఆర్టి శ్రీనివాసులు, రాజేశ్వరరెడ్డి, సర్పంచ్ రామాంజనేయులు, ఆర్.ఎం.పి ఆంజనేయులు హాజరయ్యారు.ఈ సందర్భంగా మురళీధర్ రెడ్డి మాట్లాడుతూ, దివ్యాంగులు ఆత్మస్థైర్యంతో ముందుకు సాగాలన్నారు. ఎల్లవేళలా మీకు ప్రభుత్వం అండగా ఉంటుందని భరోసా ఇచ్చారు.అలాగే ఎంపీపీ శ్రీనివాసులు మాట్లాడుతూ, వికలాంగుల సమాఖ్య పేరు మీద 5 సెంట్ల స్థలాన్ని తప్పక కేటాయిస్తామని హామీ ఇచ్చారు. వైకెపి ఎపిఎం మధుబాబు మాట్లాడుతూ, వైకెపి ద్వారా స్థిరమైన జీవనోపాధి కార్యక్రమాలు చేపడితే, అలాంటి వారికి బ్యాంకు రుణాలు అందేలా చూస్తామని హామీ ఇచ్చారు. సెక్రెడ్ కోఆర్డినేటర్ శివశంకర్ మాట్లాడుతూ, సెక్రెడ్ సంస్థ డైరెక్టర్ తిప్పన్న సహకారంతో ప్రస్తుతం కర్నూలు జిల్లాలో 21 మండలాల్లో 10 వేల మంది దివ్యాంగులతో 1050 సంఘాలు, 21 మండల దివ్యాంగుల సమాఖ్యలను, 3 జిల్లాస్థాయి సమాఖ్యలో ఏర్పాటు చేసి దివ్యాంగులు స్వతంత్రంగా తమంతట తాము జీవించే విధంగా చర్యలు చేపడుతున్నామని తెలిపారు.ఈ కార్యక్రమంలో సెక్రెడ్ సిబ్బంది వీరాంజనేయులు, హనుమంతప్ప, వీరేశమ్మ, వెంకటేష్ రవి నాయక్, రాజు, మస్తాన్ బీ మదర్ థెరిస్సా సమాఖ్య సభ్యులు భాస్కర్, శ్రీరాములు, మల్లికార్జున నాగరాజు, శివ, చంద్ర, ఆశాబి, శివమ్మ తదితురులు, పాల్గొన్నారు.
About Author
