హీరోయిన్ ను రౌండ‌ప్ చేసిన బెగ్గర్స్ .. రియ‌ల్ ‘పోకిరి’ సీన్ !
1 min read
సినిమా డెస్క్: ప్రముఖ హీరోయిన్ ప్రగ్యా జైస్వాల్.. అనూహ్య ఘ‌ట‌న‌తో షాక్ కు గురైంది. పోకిరి సినిమా సీన్.. రియ‌ల్ లైఫ్ లో జ‌రిగింది. బ్రహ్మానందాన్ని బెగ్గర్స్ అంతా క‌లిసి టార్చర్ పెట్టే సీన్ పోకిరి సినిమాలో ఉంటుంది. డబ్బు అడుగుతూ ఒక ర‌కంగా బ్రహ్మానందాన్ని ఆ సినిమాలో యాచ‌కులు ఇబ్బంది పెడ‌తారు. అలాంటి దృశ్యం సినిమా హీరోయిన్ ప్రగ్యా జైస్వాల్ జీవితంలో చోటుచేసుకుంది. తాజాగా సెలెబ్రిటీ హైయిర్ స్టైలిష్ట్ హ‌కీం అలీమ్ సెలూన్ కి వెళ్లారు. అక్కడ నుంచి బ‌య‌టికి వ‌చ్చిన ప్రగ్యా జైస్వాల్ ను కొంద‌రు యాచ‌కులు చుట్టుముట్టారు. దీంతో ఆమె షాక్ కు గురైంది. ఆక‌లవుతుంది.. కొంత డబ్బు ఇవ్వాల‌ని అడిగారు. కార్లోకి వెళ్లడానికి దారి ఇస్తే డబ్బు ఇస్తాన‌ని ప్రగ్యా జైస్వాల్ చెప్పింది. ఆమె చెప్పిన‌ట్టే.. దారి ఇచ్చిన యాచ‌కుల‌కు ప్రగ్యా జైస్వాల్ డబ్బు ఇచ్చింది. అంత‌టితో ఆగ‌కుండా… ఇంకొంత డబ్బు కావాలంటూ యాచ‌కులు డిమాండ్ చేశారు. ప్రగ్యా జైస్వాల్ కారును వెంబ‌డించారు. దీంతో చేసేది లేక మ‌రికొంత డబ్బు ఇచ్చి యాచ‌కుల్ని వ‌దిలించుకుంది.. ప్రగ్యా జైస్వాల్. ఈ వీడియో ఇప్పుడు సోష‌ల్ మీడియాలో వైర‌ల్ గా మారింది.
About Author
