పోటీలకు ఎంపికైన జీవన్ జ్యోతి పాఠశాల విద్యార్థి
1 min read
విద్యార్థిని అభినందించిన పాఠశాల యాజమాన్యం..
పల్లెవెలుగు వెబ్ నందికొట్కూరు: నంద్యాల జిల్లా నందికొట్కూరు పట్టణంలోని జీవన్ జ్యోతి పాఠశాలలో 7 వ తరగతి చదువుతున్న విద్యార్థి ఎస్.చరణ్ పౌల్ జంప్ రోప్ క్రీడల్లో జాతీయ స్థాయి పోటీలకు ఎంపిక అయ్యారని జీవన్ జ్యోతి పాఠశాల కరస్పాండెంట్ సిస్టర్ జ్యోతిష గురువారం తెలిపారు. మహారాష్ట్రలో నాందేడులో సెప్టెంబర్ 12 నుండి 14 వరకు జరిగే జాతీయ పోటీల్లో విద్యార్థి పాల్గొంటున్నారని పాఠశాల కరస్పాండెంట్ తెలిపారు.ఈ సందర్భంగా కరస్పాండెంట్ మాట్లాడుతూ పాఠశాలలో విద్యతో పాటు క్రీడలకు కూడా ప్రాధాన్యత ఇస్తూ విద్యార్థులను క్రీడల్లోనూ తీర్చిదిద్దడమే మా కర్తవ్యం అని అన్నారు.విద్యార్థులు క్రీడల్లో కూడా ముందుకు రాణించాలని అన్నారు.ఈ కార్యక్రమంలో ఎంపికైన విద్యార్థిని ప్రధానోపాధ్యాయురాలు సిస్టర్ విజిత,వ్యాయామ ఉపాధ్యాయులు,శ్రీనివాసులు మరియు ఉపాధ్యాయ సిబ్బంది బాలుడిని అభినందించారు.
About Author
