గతంలో తండ్రి రోడ్డు ప్రమాదంలో..ఇప్పుడు కుమారుడు మృతి
1 min read
ఉన్న ఒక్క కుమారుడు అనంత లోకాలకు -దేవనూరులో విషాద ఘటన..
పల్లెవెలుగు వెబ్ మిడుతూరు (నందికొట్కూరు): ఉన్న ఒక్కగా నొక్క కుమారుడు మృతి చెందడంతో కన్న తల్లి ఆర్తనాదాలు కుటుంబ సభ్యుల్లోనూ రోధనలు గ్రామంలో విషాదఛాయలు.. నంద్యాల జిల్లా మిడుతూరు మండల పరిధిలోని దేవనూరు గ్రామానికి చెందిన నర్ర సాములు,కళావతి దంపతుల కుమారుడు నర్ర కన్నయ్య (23) కర్నూలు నుండి శనివారం రాత్రి స్వగ్రామానికి వస్తుండగా గార్గేయపురం-దిగువపాడు గ్రామాల మధ్యలో తన గ్లామర్ బైక్ నుండి కింద పడడంతో బైక్ మరియు యువకుడు పొలాల్లో ఉన్న గడ్డి పొదల్లోకి దూసుకు వెళ్ళి యువకుడి పైన బైక్ పడడంతో యువకుడు ప్రాణాలు వదిలాడు.గ్రామస్తులు తెలిపిన వివరాల మేరకు శనివారం రాత్రి 8 గంటలకు కన్నయ్య తల్లికి ఫోన్ చేసి ఇంటికి వస్తున్నానని చెప్పాడు.ఆ తర్వాత ఇంటికి వస్తూ ఉండగా ప్రమాద బారిన పడ్డాడని వారు అన్నారు. యాక్సిడెంట్ జరిగిందా లేక కిందపడ్డాడా అన్నది తెలియాల్సి ఉంది. సోమవారం ఉ 10 గం.కు స్థానికులు గమనించి పోలీసులకు సమాచారం ఇచ్చారు.పోలీసులు ఘటనా స్థలికి చేరుకొని కర్నూలు ప్రభుత్వ ఆసుపత్రిలో పోస్టుమార్టం నిర్వహించారు. సాయంత్రం 6:45కు దేవనూరు గ్రామంలో అంత్యక్రియలు చేశారు.యువకుడి తండ్రి గత 15 ఏళ్ళ క్రితం రోడ్డు ప్రమాదంలో మరణించారు. తల్లి కళావతి గ్రామ వీఆర్ఏ తలారిగా పనిచేస్తూ ఉంది. వీరికి ఒక కుమారుడు కుమార్తె స్వాతి,కన్నయ్య డిగ్రీ వరకు చదువుకున్నాడు.ఉన్న ఒక కొడుకు మృతి చెందడంతో తల్లి మరియు కుటుంబ సభ్యులు శోక సంద్రంలో ఉన్నారు.యువకుడి మృతితో గ్రామంలో విషాదస్యాలు అలుముకున్నాయి.కర్నూలు తాలూకా పోలీసులు కేసు నమోదు చేసి దర్యాప్తు చేపట్టారు.
About Author
