ఆకాశమే హద్దుగా..
1 min read
– డీసీసీబీ చైర్ పర్సన్గా ఎస్. మహాలక్ష్మి నియామకం
– కర్నూలు వైసీపీ శ్రేణుల్లో అంబరాన్నంటిన సంబరం
పల్లెవెలుగు వెబ్, కర్నూలు : రాష్ట్ర ప్రభుత్వం ప్రకటించిన నామినేటెడ్ పదవుల జాబితాలో కర్నూలు జిల్లా నుంచి వైసీపీ నగర అధ్యక్షుడు రాజావిష్ణువర్ధన్ రెడ్డి సతీమణి ఎస్. మహాలక్ష్మికి చోటు దక్కింది. ఆమెను కేడీసీసీ బ్యాంక్ చైర్ పర్సన్గా నియమించారు. ఈ సందర్భంగా కర్నూలు నగరంలో సంబరాలు అంబరాన్నంటాయి. ఆదివారం నగరంలోని ఎస్బీఐ సర్కిల్లోని వైఎస్సార్ విగ్రహానికి పూలమాలలు వేసి నివాళులర్పించారు. ఈ సందర్భంగా వైసీపీ నగర అధ్యక్షుడు రాజావిష్ణువర్ధన్ రెడ్డి మాట్లాడుతూ పార్టీకి నిరంతరం సేవలు అందించే కార్యకర్తలు, నాయకులకు సీఎం వైఎస్ జగన్మోహన్ రెడ్డి న్యాయం చేశారన్నారు. నామినేటెడ్ పదవుల కేటాయింపులో సీఎం జగన్ సామాజిక న్యాయం పాటించారని పేర్కొన్నారు.
కార్యక్రమంలో రాష్ట్ర బీసీ విభాగం కార్యదర్శి, రియల్టైం జి. నాగరాజు యాదవ్, కార్పొరేటర్లు కటారి సురేష్ బాబు, కురువ మల్లికార్జున, సోంపల్లి కృష్ణకాంత్ రెడ్డి, ఎన్ఆర్ఐ విభాగం కన్వీనర్ మారం కిరణ్ రెడ్డి మరియు సోషల్ మీడియా ఇంచార్జ్ ఎం.ఇంద్రసేనా రెడ్డి, కొండా రెడ్డి, వేణు, బుజ్జి, 52వ వార్డు వైసీపీ ఇంచార్జ్ గద్ద సంజు, కౌశిక్ రెడ్డి, దామోదర్ తదితరులు పాల్గొన్నారు. కేడీసీసీ బ్యాంకు చైర్ పర్సన్గా నగర అధ్యక్షుడు రాజా విష్ణువర్ధన్ రెడ్డి సతీమణి ఎస్. మహాలక్ష్మిని నియమించినందుకు పార్టీ కార్యకర్తలు, నాయకులు శుభాకాంక్షలు తెలిపారు.
About Author
