హీరోయిన్ ఫిక్స్‌..
1 min read
సినిమా డెస్క్ : మెగా పవర్ స్టార్ రామ్ చరణ్, స్టార్ డైరెక్టర్ శంకర్ కాంబినేషన్ లో ఓ భారీ సినిమా తెరకెక్కనున్న విషయం తెలిసిందే. చరణ్ కెరీర్ లో 15వ ప్రాజెక్ట్ గా రూపొందనున్న ఈ చిత్రాన్ని శ్రీ వేంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్నారు. ఈ సినిమా కోసం స్టార్ క్యాస్టింగ్ – టాప్ టెక్నిషియన్స్ ని ఎంపిక చేస్తున్నారు. ఈ క్రమంలో ఇందులో హీరోయిన్ ఎవరు అనే విషయంలో ఎన్నో ఊహాగానాలు వస్తూ ఉన్నాయి. చాలామంది స్టార్ హీరోయిన్ల పేర్లు తెరపైకి వచ్చాయి కూడా. వీటన్నింటికీ ఫుల్ స్టాప్ పెడుతూ చిత్ర బృందం ఈరోజు శనివారం హీరోయిన్ ని అధికారికంగా ప్రకటించారు. ఆమె ఎవరో కాదు కొద్దిరోజులుగా తన పేరే ఎక్కువగా వినిపిస్తున్న బాలీవుడ్ బ్యూటీ కియారా అద్వాని. నిన్న కియరా పుట్టినరోజు సందర్భంగా శుభాకాంక్షలు తెలుపుతూ.. నిర్మాణ సంస్థ ఈ ప్రతిష్ఠాత్మక ప్రాజెక్ట్ లోకి ఆమె ఆహ్వానించామన్నారు. శంకర్ – కియరా ఇద్దరూ చర్చించుకుంటున్న ఓ ఫొటోని సోషల్ మీడియాలో షేర్ చేశారు. దీని మీద స్పందిస్తూ..‘‘ ఇది ఖచ్చితంగా నేను ఇప్పటివరకు పొందిన బెస్ట్ బర్త్ డే బహుమతులలో ఒకటి. సినీ ఇండస్ట్రీలోని ప్రఖ్యాత మరియు అనుభవజ్ఞులైన వ్యక్తులతో కలసి పనిచేయడానికి నేను సంతోషిస్తున్నాను”అంటూ కియరా పేర్కొన్నారు.కాగా రామ్ చరణ్ తో కలిసి ఇంతకముందు ‘వినయ విధేయ రామా’ చిత్రంలో కియరా నటించారు. ఈ చిత్రానికి ఎస్ ఎస్ థమన్ సంగీతం సమకూర్చనున్నారు. ప్రముఖ డైలాగ్‌ రైటర్‌ బుర్రా సాయి మాధవ్ సంభాషణలు రాస్తున్నారు.
About Author
