సమాజ సేవకుడికి ఘనసన్మానం
1 min read
పల్లెవెలుగు:దేవుడు తల్లితండ్రుల రూపంలో పిల్లలకు జన్మనిస్తే.. వైద్యులు వారికి పునర్జన్మ నిస్తారని ఎస్సీ ఎస్టీ బీసీ మైనార్టీ మహిళ ఐక్యవేదిక కర్నూలు నగర అధ్యక్షురాలు మీసాల సుమలత తెలిపారు. సోమవారం కర్నూల్ నగరంలోని గాయత్రీ ఎస్టేట్ సద్గురు దత్త పాలి క్లినిక్ లో సమాజ సేవకుడు, గ్యాస్ట్రో ఎంట్రాలజిస్ట్ సీనియర్ వైద్యులు శంకర్ శర్మను శాలువా కప్పి పూల బొకేతో ఘనంగా సన్మానించారు. ఈ సందర్భంగా మీసాల సుమలత మాట్లాడుతూ డా. శంకర్ శర్మ ప్రభుత్వ విధుల్లో ఉన్నప్పుడు ఎందరికో చికిత్సలు చేశారని, కానీ అప్పటి నుంచి ఇప్పటి వరకు సమాజ సేవ చేస్తూనే ఉన్నారన్నారు. ఆపదలో ఉన్న వారికి ఆర్థిక సాయం, క్రీడాకారులకు ఆటల వస్తువులు, అనాథ ఆశ్రమాల్లో అన్నదానం … ఇలా ఎన్నో సేవా కార్యక్రమాలు చేస్తూనే ఉన్నారన్నారు. సమాజంలో సేవ చేసే వైద్యులు, దాతలు ముందుకు రావాలని ఈ సందర్భంగా మీసాల సుమలత కోరారు.
About Author
