ఛత్రపతి శివాజీకి ఘన నివాళి
1 min read
– ఛత్రపతి శివాజీ చిత్రపటానికి నివాళి అర్పిస్తున్న జమీల్‌ అహ్మద్‌ బేగ్‌
– జమీల్‌ అహ్మద్‌ బేగ్‌, నేషనల్‌ వైస్‌ చైర్మన్‌, నేషనలిస్ట్‌ కాంగ్రెస్‌ పార్టీ మైనార్టీ విభాగం
పల్లెవెలుగు వెబ్ పెనమలూరు : కృష్ణాజిల్లా పెనమలూరు సెంటర్‌లో చత్రపతి శివాజీ వర్ధంతిని ఎంవీఆర్‌ ఆధ్వర్యంలో సోమవారం నిర్వహించారు. ఈ కార్యక్రమానికి ముఖ్య అతిథిగా నేషనలిస్ట్‌ కాంగ్రెస్‌ పార్టీ మైనార్టీ విభాగం నేషనల్‌ వైస్‌ చైర్మన్‌ జమీల్‌ అహ్మద్‌ బేగ్‌ హాజరై ఛత్రపతి శివాజీ చిత్రపటానికి నివాళి అర్పించారు. ఈ సందర్భంగా జమీల్‌ అహ్మద్‌ బేగ్‌ మాట్లాడుతూ యుద్ధతంత్రాలలో మాత్రమే కాకుండా పరిపాలనా విధానంలో కూడా శివాజీ భారతదేశ రాజులలో అగ్రగణ్యుడు. మంత్రిమండలి, విదేశాంగ విధానం, పటిష్ఠమయిన గూఢచారి వ్యవస్థ ఏర్పాటు- చేసాడు. ప్రజలకోసమే ప్రభువు అన్న సూత్రం పాటించి, వ్యక్తిగత విలాసాలకు ఎటు-వంటి వ్యయం చేయక ప్రజల సంక్షేమం కోసమే పాటు- పడ్డాడు. సుదీర్ఘ యుద్ధ కాలంలో లెక్కలేనన్ని యుద్ధాలు చేసినా యుద్ధంలో ఓడిపోయిన శత్రువుల రాజ్యంలో ఉన్న యుద్ధం చేయలేనివారికి, స్త్రీలకు, పసివారికి సహాయం చేసాడని నేషనలిస్ట్‌ కాంగ్రెస్‌ పార్టీ మైనార్టీ విభాగం, నేషనల్‌ వైస్‌ చైర్మన్‌ జమీల్‌ అహ్మద్‌ బేగ్‌ అన్నారు. ఈ కార్యక్రమంలో ఎంవీఆర్‌, వెంకట శాస్త్రి, త్రినాథ్‌, రాజ్‌కుమార్‌ తదితరులు పాల్గొన్నారు.
About Author
