1200 కి.మీ మైలురాయికి చేరిన యువగళం
1 min read
– మిడుతూరు ఎత్తిపోతల పథకానికి శిలాఫలకం
పల్లెవెలుగు వెబ్ నందికొట్కూరు: టీడీపీ జాతీయ ప్రధాన కార్యదర్శి నారా లోకేష్ చేపట్టిన యువగళం పాదయాత్ర నందికొట్కూరు మండలం అల్లూరు గ్రామంలో 1200 కి.మీ పూర్తి చేసుకున్న సందర్భంగా శిలాఫలకం ఆవిష్కరించారు. ఈ సందర్భంగా ఆయన మాట్లాడుతూ జనగళమే యువగళమై మహోజ్వలంగా సాగుతున్న యువగళం పాదయాత్ర బుధవారం నందికొట్కూరు నియోజకవర్గం అల్లూరులో 1200 కి.మీ మైలురాయిని చేరుకోవడం ఆనందంగా ఉందన్నారు. ఈ సందర్భంగా హంద్రీనీవా నుంచి మిడుతూరు మండలం ఎత్తిపోతల పథకానికి సంకల్పిస్తూ శిలాఫలకాన్ని ఆవిష్కరించాను. ఈ ఎత్తిపోతల పథకం ద్వారా మిడుతూరు, కలమందల పాడు , మద్దిగుండం, పారమంచాల చెరువులకు నీరు చేరుతుంది. తద్వారా 22వేల ఎకరాలకు సాగునీరు, మిడుతూరు, జూపాడుబంగ్లా మండలాల్లో 60వేలమంది ప్రజలకు తాగునీరు అందుతుందన్నారు.
About Author
