మోడల్ కళాశాలలో ఇంటర్ కు ప్రవేశాలు
1 min read
పల్లెవెలుగు వెబ్ మిడుతూరు: నంద్యాల జిల్లా మిడుతూరు మండల కేంద్రంలో ఉన్న ఆదర్శ మోడల్ కళాశాలలో 2024-25 విద్యా సంవత్సరానికి ఇంటర్ మొదటి సంవత్సరంలో చేరుటకు దరఖాస్తులు చేసుకోవచ్చని పాఠశాల ప్రిన్సిపాల్ ఎస్ సలీం భాష బుధవారం తెలిపారు.మొదటి సంవత్సరంలో ఎంపీసీ,బైపీసీ, ఎంఈసీ,సిఈసీ గ్రూపులో ఉన్నాయని ఈ ప్రతి గ్రూపులో-40 సీట్లు ఉన్నాయని గుర్తింపు పొందిన ప్రభుత్వ పాఠశాలల్లో 10 వ తరగతి పరీక్షలు వ్రాసి ఉండాలని ఈ ఫలితాలు రాకపోయినా సరే విద్యార్థులు ఆన్ లైన్ చేసుకోవచ్చని పరీక్షా ఫలితాలు వచ్చిన తర్వాత సీటు కేటాయించడం జరుగుతుందని ప్రిన్సిపాల్ తెలిపారు.మే 22వ తేదీ లోపు విద్యార్థులు దరఖాస్తు చేసుకోవాలని అన్నారు.అదే విధంగా ఇదే పాఠశాలలో ఆరవ తరగతిలో చేరుటకు ఈనెల 6వ తేదీ శనివారం చివరి రోజు అని ఆరవ తరగతిలో చేరే విద్యార్థులు ఈ అవకాశాన్ని సద్వినియోగం చేసుకోవాలని ప్రిన్సిపాల్ సలీం భాష తెలిపారు.
About Author
