ఆహా ఏమి రుచి.. అనరా మైమరచి..
1 min read
సినిమా డెస్క్: మల్టీటాలెంటెడ్‌ నటిగా, నిర్మాతగా, టెలివిజన్‌ ప్రజెంటర్‌గా మంచు లక్ష్మి తెలీనివారుండరు. రీసెంట్‌గా ‘పిట్టకథలు’ వెబ్‌ సిరీస్‌తో డిజిటల్‌ ఎంట్రీ ఇచ్చిన లక్ష్మి ..ఇప్పుడు ఓటీటీలో కుకింగ్‌ టాక్‌ షోకి హోస్ట్‌గా బుల్లితెరపై అలరించడానికి రెడీ అవుతోంది. పలు టాక్‌ షోస్లో సక్సెస్‌ అయిన లక్ష్మి స్టార్స్‌తో కలిసి తెలుగు ప్రముఖ ఓటీటీ సంస్థ ‘ఆహా’లో పసందైన రుచులను చూపించబోతోంది. ‘ఆహా భోజనంబు’ అనే వంటల ప్రోగ్రామ్‌ని త్వరలో లాంచ్‌ చేయబోతున్నట్టు తాజాగా ప్రకటించారు. ఈ షోకి హోస్ట్‌గా లక్ష్మి వ్యవహరించనుంది. దీనికి గాను మంచు విష్ణు, దగ్గుబాటి రానా, ఆనంద్‌ దేవరకొండ, రకుల్‌ ప్రీత్‌సింగ్‌ మొదలైన స్టార్స్‌ ‘ఆహా’లో సందడి చేయనున్నారు. వారందరితో ఈ టాక్‌ షోలో లక్ష్మి చిట్‌ చాట్‌ చేస్తుందో, లేదా వారితో వంటలు చేయిస్తుందో మరి. ఆల్రెడీ ఓటీటీలలో పలు కుకింగ్‌ ప్రోగ్రామ్స్‌ వస్తున్న సమయంలో లక్ష్మి ప్రోగ్రామ్‌ ఎంతవరకూ సక్సెస్‌ అవుతుందో చూడాలి.
About Author
