‘డిప్’ ద్వారా ’లలితాంబికా షాపింగ్ కాంప్లెక్స్’ లో షాపుల కేటాయింపు
1 min read
పల్లెవెలుగు వెబ్, శ్రీశైలం: ఆంధ్రప్రదేశ్ ఉన్నత న్యాయస్థానం (21.10.2021న) వెలువరించిన తీర్పును, సర్వోన్నత న్యాయస్థానం ( 17.12.2021న) వెలువరించిన తీర్పు అనుసరించి శ్రీశైలం లలితాంబికా షాపింగ్ కాంప్లెక్స్లో షాపుల కేటాయింపునకు శుక్రవారం ఈఓ లవన్న ఆధ్వర్యంలో డిప్ నిర్వహించారు. కళ్యాణ మండపంలో నిర్వహించిన డిప్ నిర్వహణ ద్వారా దుకాణాల కేటాయింపునకు 53 మంది డిస్ప్లేసుడు టెనెంట్స్ పాల్గొన్నారు. కొందరు దుకాణదారులు లలితాంబికా షాపింగ్ కాంప్లెక్స్ నందలి షాపులకు దేవస్థానం కాగా నిర్ణయించిన నెలసరి అద్దె అధికంగా ఉన్నదని గౌరవ ఉన్నత న్యాయస్థానం ఆశ్రయించివున్నారు. ఈ విషయమై బుధవారం రోజున (29.12.2021) తీర్పు వెలువడనున్నది. కావున ఆంధ్రప్రదేశ్ గౌరవ ఉన్నత న్యాయస్థానం వెలువరించనున్న ఈ తీర్పు అనుసరించి దుకాణముల కేటాయింపుపై తదుపరి చర్యలు గైకొనబడుతాయి. అదేవిధంగా 2019 ఆగస్టు మాసములో లలితాబింకా షాపింగ్ కాంప్లెక్స్ దుకాణాములకై నిర్వహించబడిన బహిరంగ వేలములో పాల్గొన్న దుకాణదారులలో కొందరు ఉన్నత న్యాయస్థానములో వ్యాజ్యమును దాఖలు చేయడం జరిగింది.
ఈ విషయమై గౌరవ ఉన్నత న్యాయస్థానం తీర్పు అనుసరించి బహిరంగవేలములో హెచ్చు పాటను పాడిన 42 మంది పిటిషనర్లలో 39 మందికి డిసెండింగ్ ఆర్డరు ప్రకారంగా షాపు అద్దెలను కూడా తెలియజేశారు. ఈ విషయములో కూడా ఆంధ్రప్రదేశ్ గౌరవ ఉన్నత న్యాయస్థానం బుధవారం 29.12.2021వెలువరించనున్న తీర్పు ఆధారంగా తదుపరి చర్యలు తీసుకోవడం జరుగుతుంది. శుక్రవారం శ్రీశైల కార్యనిర్వహణాధికారి లవన్న ఆధ్వర్యములో జరిగిన డిప్ నిర్వహణలో స్థానిక సర్కిల్ ఇన్స్పెక్టర్ వెంకటరమణ, సహాయ కమిషనర్ ( ఇంఛార్జి) మరియు సహాయ కార్యనిర్వహణాధికారి పి. నటరాజరావు, డిప్యూటీ ఎగ్జిక్యూటివ్ ఇంజనీరు నరసింహరెడ్డి, శ్రీశైలప్రభసంపాదకుడు డా.సి. అనిల్ కుమార్, పర్యవేక్షకులు డి. రాధకృష్ణ, బి, మల్లికార్జునరెడ్డి, ఎన్, శ్రీహరి, కె.శివప్రసాద్.బి. శ్రీనివాసులు పలు విభాగాల సిబ్బంది పాల్గొన్నారు.
About Author
