హైద‌రాబాద్ విద్యార్థుల‌కు ఆండర్స‌న్ యూనివ‌ర్సిటీ స్పాట్ అడ్మిష‌న్లు

పల్లెవెలుగు వెబ్ హైద‌రాబాద్ : అమెరికాలో యాపిల్ డిస్టింగ్విష్డ్ యూనివ‌ర్సిటీగా పేరొందిన ఆండ‌ర్స‌న్ యూనివ‌ర్సిటీ హైద‌రాబాద్ విద్యార్థుల‌కు స్పాట్ అడ్మిష‌న్లు అందిస్తోంది. ఈ కార్యక్ర‌మం అక్టోబ‌ర్ 5 గురువారం ఉండ‌నుంది. ఐటీ, మేనేజ్‌మెంట్, ఇంజినీరింగ్ స‌హా అన్ని ర‌కాల విద్యార్థులు త‌మ పేర్ల‌ను న‌మోదుచేసుకోవ‌చ్చు, మ‌రిన్ని వివ‌రాల‌కు 6387149133 నెంబ‌రులో సంప్ర‌దించ‌వ‌చ్చు. అర్హులైన విద్యార్థుల‌కు అక్క‌డిక‌క్క‌డే ప్ర‌వేశార్హ‌త ల‌భిస్తుంది. ఈ కార్య‌క్ర‌మంలో యూనివ‌ర్సిటీ ప్రోవోస్ట్ డాక్ట‌ర్ ర్యాన్ నీల్, చీఫ్ ఆఫ్ స్టాఫ్ జాన్ డాన్ పాల్గొంటారు. అక్క‌డే ప్ర‌వేశాలు ఖ‌రారు చేసుకుని, ఐ-20లు కూడా త్వ‌ర‌గా పొంద‌వ‌చ్చు. యూనివ‌ర్సిటీ హ‌బ్‌తో భాగ‌స్వామ్యం వ‌ల్ల ప్ర‌వేశాల ప్ర‌క్రియ‌ విద్యార్థులకు సుల‌భ‌త‌రం అవుతుంది. ఆండ‌ర్స‌న్ యూనివ‌ర్సిటీలో కంప్యూట‌ర్ సైన్స్, బిజినెస్ ఎన‌లిటిక్స్ ప్రోగ్రాంల‌లో ఎంఎస్‌తో పాటు, డేటా డ్రివెన్ నైపుణ్యాలు, సైబ‌ర్‌సెక్యూరిటీ మేనేజ్‌మెంట్‌లో ఎంఎస్ లాంటి ప‌లు కోర్సులు ఉంటాయ‌ని డాక్ట‌ర్ నీల్ తెలిపారు. యూనివ‌ర్సిటీ హ‌బ్ ఇప్ప‌టివ‌ర‌కు ల‌క్ష మంది విద్యార్థుల‌కు అమెరికాలోని ప్ర‌తిష్ఠాత్మ‌క సంస్థ‌ల‌లో చ‌దువుకునే అవ‌కాశం క‌ల్పించింద‌ని సంస్థ వ్య‌వ‌స్థాప‌కుడు డాక్ట‌ర్ అనిల్ ప‌ల్లా తెలిపారు. ఐఈఎల్‌టీఎస్‌లో క‌నీసం 6.0 స్కోరు ఉండి,  గ్రాడ్యుయేష‌న్ అయిపోయిన‌వారు నేరుగా వ‌చ్చి వారం రోజుల్లో ఐ-20 తీసుకోవ‌చ్చ‌ని చెప్పారు. త‌మ సంస్థ సేవ‌లు పూర్తిగా ఉచిత‌మ‌ని ఆయ‌న స్ప‌ష్టం చేశారు. స‌రైన కోర్సు, యూనివ‌ర్సిటీ ఎంపిక‌, ప్ర‌యాణ ఏర్పాట్లు, ఎంఎస్ ప‌ట్టా పొంద‌డం వ‌ర‌కు అన్నీ యూనివ‌ర్సిటీ హ‌బ్ చూసుకుంటుంద‌న్నారు. పేద విద్యార్థుల‌కు ఉచితంగా ఐఈఎల్‌టీఎస్ శిక్ష‌ణ కూడా ఇస్తామ‌ని చెప్పారు.

ఒక ప్ర‌తిష్ఠాత్మ‌క విద్యాసంస్థ‌లో ప్ర‌వేశం కావాల‌నుకుంటున్న విద్యార్థుల‌కు యూనివ‌ర్సిటీ హ‌బ్, ఆండ‌ర్స‌న్ యూనివ‌ర్సిటీల మ‌ధ్య ఒప్పందం అద్భుత‌మైన అవ‌కాశం. అందువ‌ల్ల అర్హులైన విద్యార్థులు అక్టోబ‌ర్ 5న నేరుగా వ‌చ్చి, అమెరికాలో ఉన్న‌త‌విద్య అనే క‌ల‌ను నెర‌వేర్చుకోవ‌చ్చు. ఆండ‌ర్స‌న్ యూనివ‌ర్సిటీ గురించి:ఆండ‌ర్స‌న్ యూనివ‌ర్సిటీ అనేది అంత‌ర్జాతీయ స్థాయి విద్య‌ను అందించే ప్ర‌ముఖ విద్యా సంస్థ‌. అమెరికాలో ఉన్న ఈ యూనివ‌ర్సిటీ ప‌లు ర‌కాల అండ‌ర్ గ్రాడ్యుయేట్, గ్రాడ్యుయేట్ కోర్సులను అందిస్తూ విద్యార్థులు విజ‌య‌వంతం కావ‌డానికి దోహ‌ద‌ప‌డుతుంది.

యూనివ‌ర్సిటీ హ‌బ్ గురించి:యూనివ‌ర్సిటీ హ‌బ్ అనేద‌ది ప్ర‌ముఖ క‌న్స‌ల్టెన్సీ. విద్యార్థులు అమెరికాలో అగ్ర‌శ్రేణి యూనివ‌ర్సిటీల‌లో చ‌దివేందుకు వారికి కావ‌ల్సిన సాయం చేస్తుంది. అపార‌మైన అనుభ‌వం, విద్యార్థుల విజయంపై నిబ‌ద్ధ‌త క‌లిగిన ఈ సంస్థ విదేశీ విద్య మ‌రింత అందుబాటులోకి వ‌చ్చేందుకు కావ‌ల్సిన స‌మ‌గ్ర సేవ‌ల‌న్నీ అందిస్తుంది.

About Author

PvNews1

See author's posts