నిరుద్యోగుల‌కు గుడ్ న్యూస్ చెప్పిన ఏపీ !

ప‌ల్లెవెలుగువెబ్: ఏపీ ప్రభుత్వం గుడ్ న్యూస్ చెప్పింది. గ్రూప్ – 1 కేడర్ ఉద్యోగాల భర్తీకి నోటిఫికేషన్ విడుదల చేసింది. 92 గ్రూప్ – 1 ఉద్యోగాల భర్తీకి నిన్న రాత్రి నోటిఫికేషన్ జారీ చేసింది. దీంతోపాటు అసిస్టెంట్ మోటార్ వెహికల్ ఇన్స్ పెక్టర్ పోస్టుల భర్తీకి కూడా నోటిఫికేషన్ విడుదల చేసింది. గ్రూప్ – 1 పోస్టుల భర్తీ ప్రక్రియలో భాగంగా రాత పరీక్షతో పాటు ఇంటర్వ్యూలను కూడా నిర్వహించనున్నారు. గతంలో ఇంటర్వ్యూలను ప్రభుత్వం రద్దు చేసిన సంగతి తెలిసిందే. తాజాగా, ఇంటర్వ్యూలను మళ్లీ పునరుద్ధరించింది. గ్రూప్ – 1 ఉద్యోగాలకు ఈ నెల 13 నుంచి నవంబర్ 2వ తేదీ వరకు దరఖాస్తులను స్వీకరించనున్నారు. ప్రిలిమినరీ పరీక్ష డిసెంబర్ 18న… మెయిన్స్ 2023 మార్చి 15న జరగనున్నాయి. పూర్తి వివరాలకు https://psc.ap.gov.in/ వెబ్ సైట్ సంప్రదించాలి.

About Author

pvnews

See author's posts