కౌలు కార్డు కోసం దరఖాస్తు చేసుకోండి
1 min read![](https://i0.wp.com/newsnedu.com/wp-content/uploads/2021/06/24web100621.jpeg?fit=690%2C311&ssl=1)
– ఏఓ సుబ్బారెడ్డి
పల్లెవెలుగు వెబ్, మహానంది: పంటపొలాలను కౌలుకు తీసుకున్న రైతులందరూ కౌలు కార్డు కోసం దరఖాస్తు చేసుకోవాలని తహసీల్దార్ జనార్ధన్ శెట్టి , మండల వ్యవసాయ శాఖ ఏవో సుబ్బారెడ్డి కోరారు. బొల్లవరం గ్రామంలో గురువారం ఏర్పాటు చేసిన బహిరంగ సమావేశంలో తాసిల్దార్ మాట్లాడుతూ అర్హులైన రైతులందరికీ కౌలు కార్డులు అందజేయడానికి రెవెన్యూ శాఖ సిద్ధంగా ఉన్నట్లు పేర్కొన్నారు. విత్తనాలు, ఎరువులు మరియు పంట నష్టం జరిగినప్పుడు ప్రభుత్వం నుండి వచ్చే సహాయం కౌలు రైతులకు కార్డు ఉండటం ద్వారా ఎంతో ఉపయోగకరంగా ఉంటుందన్నారు. అనంతరం వ్యవసాయ శాఖ ఏవో సుబ్బారెడ్డి మాట్లాడుతూ కౌలు కార్డు ఉన్న వారికి పంట నష్టం వస్తే… పరిహారం వారి ఖాతాలో జమ అవుతుందన్నారు. కౌలుకు ఇచ్చిన రైతులకు ఎలాంటి ఇబ్బంది ఉండదని వారు తమ ఆధార్ కార్డు మరియు పట్టాదారు పాసు పుస్తకాలు కౌలుకు ఇచ్చినవారికి వారికి అందజేయాలని దానితో పాటు అంగీకార పత్రం కూడా అందజేయాల్సి ఉంటుందన్నారు. కార్యక్రమంలో వీఆర్వో చలమయ్య గ్రామ వ్యవసాయ శాఖ aeo చంద్రశేఖర్ గ్రామ రైతులు పాల్గొన్నారు.