​మీ కిడ్నీలు ఆరోగ్యంగా ఉన్నాయా…?

మధుమేహం, రక్తపోటు, ఊబకాయం ఉన్న వారు కిడ్నీవ్యాధి బారిన పడే ప్రమాదం ఎక్కువ

• ప్రారంభ దశలోనే చికిత్స చేస్తే… కొంత సేఫ్​..
• డా. సాయి వాణి, ప్రముఖ నెఫ్రాలజిస్ట్​, కర్నూలు.  

కర్నూలు, న్యూస్​ నేడు:ప్రపంచ జనాభాలో 850 మిలియన్​ మంది. మన దేశంలో  ప్రతి వంద మందిలో పది మంది, మన రాష్ట్రంలో  ప్రతి  వంద మందిలో 17 మంది  కిడ్నీ వ్యాధుల బారిన పడుతున్నారు. మన రాష్ట్రంలో ఎన్​సిడి ఎస్​ సర్వే ప్రకారం  చిన్న పిల్లలో 28.6  మందికి కిడ్నీ పనితనం తగ్గినట్లు తేలింది. మన పక్క రాష్ట్రాలైన కర్ణాటక, తమిళనాడులో  ఈ సంఖ్య 0.1 శాతం మాత్రమే ఉంది.  ఏపీలో  సుమారు 13,500 మంది రక్తం డయలసిస్​ , 1200 మంది  పొట్ట డయాలసిస్​, 200 మంది కిడ్నీ మార్పిడి  చేయించుకుంటున్నారు.  4 గంటల రక్తపు  డయాలసిస్​ కు 120 నుంచి 150 లీటర్ల నీళ్లు అవసరం ఉంటుంది. ఒక రక్తపు  డయాలసిస్​ లో  1.5 నుంచి 2 కేజీ ల ప్లాస్టిక్​  వ్యర్థాలు వస్తాయి.  ఇవి గ్లోబల్​ వార్మ్​ కు కారణమై మన వాతావరణానికి చాలా చెడు జరుగుతుంది. దీనిన నివారించడానికి మనం తీసుకోవాల్సిన నివారణ చర్యల గురించి ఈ రోజు తెలుసుకుందాం.

కలుషిత నీరు తాగితే… :

మంచి ఆహారం, కలుషితం లేని మంచి నీరు తాగడం వల్ల కిడ్నీ  వ్యాధులను నివారించవచ్చు.

ప్రైమరీ ప్రీవెన్షన్ ​:

కిడ్నీ వ్యాధులు రావడానికి ముఖ్య కారకాలు.. మధు మేహం, రక్త పోటు, ఊబకాయం.  ఈ వ్యాధులు రాకుండా చూసుకోవడాన్ని ప్రైమరీ ప్రీవెన్షన్​ అంటారు.

సెకండరీ ప్రీవెన్షన్​ :

కిడ్నీ వ్యాధి కారకాలు మధుమేహం, రక్తపోటు, ఊబకాయం ఉన్న వారిలో కిడ్నీ వ్యాధులు రాకుండా ఉండటానికి  తీసుకోవాల్సిన జాగ్రత్తలను సెకండరీ ప్రీవెన్షన్ అంటారు.

స్ర్కీనింగ్​ టెస్టు చేయించుకోవాలి :

మూత్రంలో ప్రొటీన్స్​  ఎంత మోతాదులో వెళ్తున్నాయి. రక్తంలో సెరమ్​ క్రియేషన్స్​ పరీక్షించడం,  అల్ర్టా సౌండ్​ తో రెండు మూత్ర పిండాలు  ఎలా ఉన్నాయో తెలుసుకునేందుకు స్ర్కీనింగ్​ టెస్టు చేయించుకోవాలి.

ఎవరు  స్ర్కీనింగ్​ పరీక్ష చేసుకోవాలి:

 40 ఏళ్ల వయస్సు  వారు స్ర్కీనింగ్​ పరీక్ష చేసుకోవాలి. మధుమేహం , రక్తపోటు, ఊబకాయం  ఉన్న వారు , వంశ పారం పర్యంగా కిడ్నీ జబ్బులు, గుండె, బ్రెయిన్​ స్ర్టోక్​ వచ్చిన వాళ్లు. గుండె జబ్బులు, బ్రెయిన్​ స్ర్టోక్​ వచ్చిన వాళ్లు స్క్రీనింగ్​ టెస్టు చేయించుకోవాలి.

About Author

Webpostuser #Newsnedu

Webpostuser #Newsnedu

See author's posts