సేవకు… పురస్కారం…
1 min read
పల్లెవెలుగు వెబ్,కర్నూలు: 76వ స్వాతంత్ర్య దినోత్సవం సందర్భంగా వివిధ రంగాల్లో ఉత్తమ సేవ అందించిన ఉద్యోగులకు అవార్డులు, ప్రశంసాపత్రాలు అందజేశారు. సోమవారం పోలీస్ పేరెడ్ గ్రౌండ్లో జరిగిన స్వాతంత్ర్య దినోత్సవ వేడుకలను అంగరంగ వైభవంగా నిర్వహించారు. కార్యక్రమానికి ముఖ్య అతిథిగా విచ్చేసిన ఆర్థిక మంత్రి బుగ్గన రాజేంద్రనాథ్ రెడ్డి స్వాతంత్ర్య సమరయోధుల గురించి ప్రసంగించారు. పోరాట యోధుల త్యాగఫలమే స్వాతంత్ర్యమని పేర్కొన్న మంత్రి.. దేశ ఆర్థిక అభివృద్ధి, వివిధరంగాల్లో సాధించిన ప్రగతిని వివరించారు. అనంతరం మంత్రితోపాటు కలెక్టర్ కోటేశ్వరరావు, జాయింట్ కలెక్టర్ రామసుందర్ రెడ్డి చేతుల మీదుగా ఉత్తమ సేవలు అందించిన ఉద్యోగులకు ప్రశంసపత్రాలు, అవార్డులు అందజేశారు. అందులో భాగంగా డిస్ట్రిక్ కో ఆపరేటివ్ ఆఫీస్లోని సీనియర్ ఇన్స్పెక్టర్ యు. సాంబశివరావుకు మంత్రి బుగ్గన రాజేంద్రనాథ్ రెడ్డి, కలెక్టర్ కోటేశ్వరరావు చేతులమీదుగా ప్రశంసపత్రం అందజేసి… అభినందించారు.
About Author
