కెరీర్ గైడెన్స్ పై విద్యార్థులకు అవగాహన కార్యక్రమం
1 min read
– యువత వ్యక్తిత్వ వికాసం పై అవగాహన పెంచుకోవాలి
– సెట్ వెల్ సీఈవో యం.డి.హెచ్ మోహారాజ్
పల్లెవెలుగు వెబ్ ఏలూరు : ఆంధ్రప్రదేశ్ ప్రభుత్వము యువజన సర్వీసుల శాఖ, సెట్ వెల్, ఏలూరు జిల్లా కలక్టరు వారి ఆదేశములను అనుసరించి, యువజన సర్వీసుల శాఖ, సెట్ వెల్ వారి ఆధ్వర్యములో శనివారం జిల్లా ప్రజా పరిషత్ ఉన్నత పాఠశాల, దెందులూరు నందు 9వ మరియు 10వ తరగతి విద్యార్థిని విద్యార్థులకు ‘వ్యక్తిత్వ వికాసం మరియు కెరీర్ గైడెన్సు పై అవగాహన కార్యక్రమమును నిర్వహించటం జరిగిందని సెట్ వెల్ ముఖ్య కార్యనిర్వహణ అధికారి యం.డి. హెచ్. మెహరాజ్ ఒక ప్రకటనలో తెలిపారు. సెట్ వెల్ ముఖ్య కార్యనిర్వహణ అధికారి యం.డి. హెచ్. మెహరాజ్ విద్యార్ధిని విద్యార్ధులకు ప్రత్యేక అవగాహన సందేశము ఇచ్చారు. యువత వ్యక్తిత్వ వికాసం అభివృద్ధి చేసుకోవాలని కోరారు. ఆర్.విజయ కుమార్ మరియు ప్రధానోపాధ్యాయులు పి.వి. రామ శర్మ మాట్లాడుతూ విద్యార్ధులు జీవితంలో ఉన్నత స్థానాలకు వెళ్ళడానికి లక్ష్యం కృషి ఉంటే ఋషులు అవుతారని, పట్టుదలతో చదివి జ్ఞానం సంపాదించాలని జ్ఞానంతో లక్ష్యాలను సాధించాలని విద్యార్దులను ఉద్దేశించి మాట్లాడారు. విద్యార్ధులకు వ్యక్తిత్వ వికాసం అవగాహనా కల్పించారు.కార్యక్రమంలో ప్రదానోపాద్యాయులు పి.వి. రామ శర్మ, కెరీర్ కౌన్సిలర్, ఆర్.విజయ కుమార్, టూరిజం మేనేజర్ యస్. పట్టాభి రామన్న, ఎ.ఓ. కె.జె.కెనడి మరియు పాఠశాల అధ్యాపక సిబ్బంది మరియు పాఠశాల విద్యార్థిని విద్యార్ధులు పాల్గొన్నారు.
About Author
