హీరోగా బండ్ల గ‌ణేష్ !
1 min read
ప‌ల్లెవెలుగు వెబ్ : క్యారెక్టర్ ఆర్టిస్ట్ గా సినీ ప్రయాణం మొద‌లు పెట్టిన బండ్ల గ‌ణేష్.. క‌మెడియ‌న్ గా, నిర్మాత‌గా అంచెలంచెలుగా ఎదిగారు. ప‌లు సినిమాల్లో న‌టించ‌డ‌మే కాకుండా .. పెద్ద హీరోల‌తో సినిమాలు నిర్మించారు. ఇప్పుడు బండ్ల గ‌ణేష్ హీరోగా మార‌బోతున్నారు. ఈ వార్త ఇండస్ట్రీలో హాట్ టాపిక్ గా మారింది. త‌మిళంలో ఘ‌న విజ‌యం సాధించిన క్రైమ్ థ్రిల్లర్ ఒత్త సెరుప్పు అళ‌వు 7. పార్తిబ‌న్ స్వీయ ద‌ర్శక‌త్వంలో న‌టించిన ఈ చిత్రం త‌మిళంలో విజ‌యం సాధించ‌డ‌మే కాకుండా.. ప‌లు అవార్డుల‌ను కూడ సొంతం చేసుకుంది. ఒకే ఒక క్యారెక్టర్ తో సినిమాను తెర‌కెక్కించిన పార్తిబ‌న్ విమ‌ర్శకుల ప్రశంస‌లు అందుకున్నారు. హిందీలో ఈ సినిమాను అభిషేక్ బ‌చ్చన్ రీమేక్ చేస్తుండ‌గా.. తెలుగు బండ్ల గ‌ణేష్ ఈ క్యారెక్టర్ పోషించ‌నున్నారు. వెంక‌ట్ చంద్ర ఈ చిత్రానికి ద‌ర్శక‌త్వం వ‌హించ‌నున్నారు.
About Author
