బ్యాంక్ పరీక్షలు ఇకనుంచి ప్రాంతీయ భాషల్లోనే! కేంద్రం
1 min read
పల్లెవెలుగువెబ్, ఢిల్లీ: దేశంలో రాష్ట్రాల వారీగా ఆయా ప్రభుత్వ రంగ బ్యాంక్లు నిర్వహించే ఉద్యోగ నియామక పరీక్షలను ఇక నుంచి ప్రాంతీయ భాషల్లోనే జరపాలని కేంద్ర ఆర్థికశాఖ సూచించింది. ఈమేరకు గురువారం కేంద్రం కీలక నిర్ణయం తీసుకుంది. 12 ప్రభుత్వ రంగ బ్యాంక్లు తమ పరిధుల్లోని ఉద్యోగ పోటీ పరీక్షలను ఆయా రాష్ట్రాలకు సంబంధించిన మాతృభాషల్లోనే నిర్వహించాల్సి ఉంటుంది. బ్యాంక్ పరీక్షలు రాసే అభ్యర్థులకు ఇది తీపికబురే. దేశంలోని మొత్తం 13ప్రాంతీయ భాషల్లో బ్యాంక్లకు సంబంధించిన ప్రిలిమ్స్, మెయిన్స్ పరీక్షలను ఇంగ్లీష్, హిందీ భాషలతోపాటు ఆయా రాష్ట్రాల ప్రాంతీయ భాషల్లోనూ జరపాలని కేంద్రం పేర్కొంది. ఇప్పటికే కొన్ని బ్యాంక్లు ఉద్యోగ నియామకాల నోటిఫికేషన్లు విడుదల చేసిన విషయం తెలిసిందే.
About Author
