రోడ్డు పై నోట్ల కట్టలు.. ట్రాఫిక్ జామ్ !
1 min read
ప‌ల్లెవెలుగువెబ్ : హైద‌రాబాద్ లోని మాదాపూర్ లో రోడ్డు పై నోట్ల కట్టలు పడ్డాయి. కట్టలు.. కట్టలు 2000 రూపాయ‌ల నోట్లు చూసి జ‌నం ఎగబడ్డారు. తీరా చూస్తే అవి నకిలీ నోట్ల‌ని తెలిసి నిరాశ‌కుగుర‌య్యారు. మాదాపూర్ 100 ఫీట్‌ రోడ్‌కు సమీపంలోని కాకతీయ రోడ్డులో గుట్టలుగుట్టలుగా 2000 నోట్లు ఉండడంతో స్థానికులు, వాహనాదారులు నోట్ల కోసం ఎగబడ్డారు. ఎవరికి అందిన కాడికి వారు తీసుకొని అక్కడ నుంచి వెళ్లిపోయారు. కొంతసేపు ట్రాఫిక్ జామ్ కూడా అయ్యింది. తీరా ఆ నోట్లపై చిల్డ్రన్‌ బ్యాంక్‌ ఆఫ్‌ ఇండియా అని ఉండడంతో వాటిని తీసుకున్న వారు తీవ్ర నిరాశకు గురయ్యారు.
About Author
