మాజీ సర్పంచ్ కు బి.సి.సంఘం నివాళి
1 min read
పల్లెవెలుగు వెబ్ వెలుగోడు: మంచి మనిషి , ఉదార స్వభావుడు , సేవా తత్పరుడు అయిన మాజీ సర్పంచ్ వెలుగోడు నివాసి తెలుగు రామాంజనేయులు కు జాతీయ బి.సి.సంక్షేమ సంఘము గురువారం ఘన నివాళి అర్పించారు. వారి కుటుంబ సభ్యులను పరామర్శించారు. ఈ సందర్భంగా రాష్ట్ర కార్యదర్శి ఎస్.రఘు రాముడు మాట్లాడుతూ రామాంజనేయులు సర్పంచ్ గా ఐదేళ్లు వెలుగోడు పట్టణంలో ఎన్నో అభివృద్ధి కార్యక్రమాలు చేపట్టి ప్రజల మన్ననలు పొందారని , సమస్య ఉందని ప్రస్తావిస్తే తానే స్వయంగా పాల్గొని అది పూర్తయ్యే వరకు పట్టుబట్టే వాడని అన్నారు. బి.సి.లకే కాక అన్ని వర్గాల ప్రజల పనులను నెరవేర్చి వారి అభిమానాన్ని చూరగొన్నడని ఇలాంటి వ్యక్తి చిన్న వయసులోనే మరణించడం బాధా కరమని అన్నారు.ఆయన ఆత్మకు శాంతి కలగాలని , వారి కుటుంబానికి జాతీయ బి.సి.సంక్షేమ సంఘము ఎల్లవేళలా అండగా ఉంటుందని అన్నారు.ఈ కార్యక్రమంలో బి.సి.నాయకులు ఎల్లయ్య , రంగస్వామి , గోగుల రాము , అంకన్న పాల్గొన్నారు.
About Author
