సెకండ్​ వేవ్​..తో జాగ్రత్త..!

కోవిడ్​ లక్షణాల్లో మార్పు..
– సీనియర్​ పిజిషియన్​ డా. భవాని ప్రసాద్​
పల్లెవెలుగు వెబ్​, కర్నూలు: కోవిడ్ తో.. మనం జాగ్రత్తగా ఉంటే… మన కుటుంబం.. సమాజాన్ని కూడా కాపాడిన వారమవుతామని సీనియర్​ పిజిషియన్​ డా. భవాని ప్రసాద్​ ఉద్బోధించారు. సంపూర్ణ ఆరోగ్యం కోరుకునే వారు… కోవిడ్​ నిబంధనలు తప్పక పాటించాలని, లేదంటే వైరస్​ బారిన పడే ప్రమాదం ఉందని సూచించారు. ఆదివారం సాయంత్రం ఏ క్యాంపులోని కర్నూలు హార్ట్​ ఫౌండేషన్​ హాల్​లో కోవిడ్​’ వైరస్​ సోకకుండా.. ఆరోగ్యంగా ఉండాలంటే… తీసుకోవాల్సిన జాగ్రత్తలు, ఆహారం తదితర అంశాలను డా. భవాని ప్రసాద్ వివరించారు. హార్ట్​ ఫౌండేషన్​ సెక్రటరి డా. చంద్రశేఖర్ ఆధ్వర్యంలో జరిగిన కోవిడ్​ అవగాహన సదస్సులో ప్రముఖులు, వైద్యులు పాల్గొన్నారు. ఈ సందర్భంగా డా. భవాని ప్రసాద్​ మాట్లాడుతూ కోవిడ్​ సెకండ్​ వేవ్​ లక్షణాల్లో మార్పు ఉన్నాయన్నారు. కీళ్లనొప్పులు, అలసట, ఆయాసం, శరీర భాగాల నొప్పి రావడం వంటివి కోవిడ్​ సెకండ్​ వేవ్​ లక్షణాలు అని, వాటిని గుర్తించిన వెంటనే ప్రముఖ వైద్యులను సంప్రదించాలని సూచించారు. ప్రపంచాన్ని వణికిస్తున్న కరోనా.. మనదేశంలోనూ రోజుకు వేల సంఖ్యలో పాజిటి కేసులు పెరుగుతున్నాయని, ఏపీలో వెయ్యికి పైగా వస్తున్నాయన్నారు. కరోనా సెకండ్​ వేవ్​ విజృంభించకముందే.. జాగ్రత్తలు తీసుకోవాలని, ప్రతిఒక్కరూ మాస్కు ధరించి, శానిటైజరు ఉపయోగించాలన్నారు. భౌతిక దూరం పాటించకపోతే ముప్పు తప్పదన్నారు. అనంతరం సీనియర్​ పిజిషియన్​ డా. భవాని ప్రసాద్​ను హార్ట్​ ఫౌండేషన్​ సెక్రటరి డా. చంద్రశేఖర్​, సభ్యులు శాలువాతో సన్మానించారు. కార్యక్రమంలో కర్నూలు హార్ట్​ ఫౌండేషన్​ సభ్యులు, వైద్యసిబ్బంది, తదితరులు పాల్గొన్నారు.

About Author

PALLEVELUGU

See author's posts