కిడ్నీలపై అవగాహన పెంచుకోండి
1 min read
డాక్టర్ సాయివాణి, ఎండి,డి.ఎం, నెఫ్రాలజి, కర్నూలు
పల్లెవెలుగు: మూత్రపిండాలు మన శరీరంలో అతిముఖ్యమైన అవయవాలు.శరీరం యొక్క రోజు వారి విధుల్లో ఇవి కీలకపాత్ర పోషిస్తాయని, కాబట్టి మూత్ర పిండాలను జాగ్రత్తగా చూసుకోవాలని సూచించారు నెఫ్రాలజి వైద్యులు డాక్టర్ సాయివాణి, ఎండి,డిఎం కర్నూలు. కర్నూలు హార్ట్ ఫౌండేషన్ ఆధ్వర్యంలో ఆదివారం సాయంత్రం 6 గంటలకు కిడ్నీ సమస్యలు– తీసుకోవాల్సిన జాగ్రత్తలపై అవగాహన సదస్సు నిర్వహించనున్నట్లు హార్ట్ ఫౌండేషన్ సభ్యులు , ప్రముఖ గుండె వైద్య నిపుణులు డాక్టర్ పి. చంద్రశేఖర్ శనివారం ఓ ప్రకటనలో తెలిపారు. కిడ్నీలకు సంబంధించిన వ్యాధులు, ముందు జాగ్రత్త చర్యగా తీసుకోవాల్సిన జాగ్రత్తలపై నెఫ్రాలజి వైద్య నిపుణులు డా. సాయివాణి ఎండి,డిఎం క్షుణ్ణంగా అవగాహన కల్పిస్తారని, కర్నూలు నగర ప్రజలు సద్వినియోగం చేసుకోవాలని డా. పి. చంద్రశేఖర్ కోరారు.
About Author
