‘బిచ్చగాడు 2’ వస్తాడట..
1 min read
సినిమా డెస్క్ : కోలీవుడ్‌, టాలీవుడ్‌లో కూడా ఫ్యాన్స్‌ని సంపాదించాడు విజయ్ ఆంటోని. క్లాస్‌, మాస్‌ హీరోగా మెప్పించే విజయ్ ఆంటోనీ పుట్టినరోజు ఈ రోజు. త్వరలో తాను మెగాఫోన్ పడుతున్నట్టు అనౌన్స్ చేశాడు. ‘బిచ్చగాడు’ సినిమాతో సక్సెస్‌ఫుల్‌ హీరోగా మారాడు విజయ్. ఆ తర్వాత ఆ మూవీకి సీక్వెల్ చేయబోతున్నట్లు పోయినేడు తన బర్త్‌డేకి ప్రకటించాడు. ప్రియా కృష్ణమూర్తి డైరెక్ట్ చేయబోతున్నట్లు కూడా చెప్పాడు. కానీ అప్పట్నుంచి ఈ సినిమా ఊసే లేదు. సడెన్‌గా రెండు రోజుల క్రితం ఈ మూవీ గురించి ఓ న్యూస్‌ సోషల్‌ మీడియాలో చక్కర్లు కొట్టింది. ‘బిచ్చగాడు 2’ డైరెక్టర్ పేరుని విజయ్ ఆంటోనీ పుట్టినరోజున రివీల్ చేస్తామంటూ ఓ పోస్ట్ ప్రత్యక్షమయ్యింది. అన్నట్టుగానే నిన్న డైరెక్టర్ మురుగదాస్‌ సస్పెన్స్‌ వీడేలా ఈ చిత్రాన్ని విజయ్ ఆంటోనీయే డైరెక్ట్ చేయబోతున్నట్టు అనౌన్స్ చేశాడు. సంగీత దర్శకుడిగా, సింగర్‌‌గా, హీరోగా, నిర్మాతగా ఇప్పటికే టాలెంట్‌ని ప్రూవ్ చేసుకున్నాడు విజయ్. ఇప్పుడు డైరెక్టర్‌‌గా మరో కొత్త ప్రయాణానికి శ్రీకారం చుడుతున్నాడు. అదీ ఓ సూపర్‌ హిట్ సినిమాకి సీక్వెల్‌తో. మెగాఫోన్ పట్టి ఎలాంటి మ్యాజిక్ చేయబోతున్నాడో మరి.
ఇక విజయ్ బర్త్తడే స్పెషల్‌గా ‘జ్వాల’ మూవీ ఫస్ట్‌ లుక్‌ రిలీజ్‌ చేసింది టీమ్. లుక్‌ చూస్తుంటే ఇందులో విజయ్ రఫ్ అండ్‌ టఫ్ లుక్‌లో కనిపిస్తున్నాడు. దీన్నిబట్టి విజయ్ పక్కా మాస్‌ క్యారెక్టర్‌ చేస్తున్నాడని అర్థమవుతోంది. యాక్షన్‌ థ్రిల్లర్‌‌గా తెరకెక్కుతున్న ఈ మూవీని నవీన్‌ డైరెక్ట్ చేస్తున్నాడు. అక్షరా హాసన్‌ హీరోయిన్‌. అరుణ్ విజయ్ కీ రోల్‌ పోషిస్తున్నాడు. నటరాజన్‌ మ్యూజిక్‌నందిస్తున్నారు.
About Author
