గిరిజన ప్రాంత ప్రజలకు మెరుగైన వైద్యసేవలు అందించాలి

వైద్య విభాగాన్ని సందర్శించిన ఐటీడీఏ ప్రాజెక్టు అధికారి..

వైద్య పరికరాలు, ఇతర సౌకర్యాలు పరిశీలన..

గిరిజన ప్రాంతాల నుండి వచ్చే ప్రజలకు ఎటువంటి అసౌకర్యాలు కలగకూడదు

 ఐటీడీఏ ప్రాజెక్టు అధికారి సూర్య తేజ

పల్లెవెలుగు వెబ్ ఏలూరు జిల్లా :   ఏలూరులో జిల్లా ప్రభుత్వ ప్రధాన ఆసుపత్రిలో గిరిజన ప్రాంత ప్రజలకు  ఏర్పాటుచేసిన వైద్య విభాగాన్ని ఐ టి డి ఏ ప్రాజెక్ట్ అధికారి సూర్య తేజ గురువారం సందర్శించి, వార్డ్ నిర్వహణ, సిబ్బంది, వైద్య పరికరాలు, ఇతర సౌకర్యాలను పరిశీలించారు.  ఈ సందర్భంగా ప్రాజెక్ట్ అధికారి సూర్యతేజ మాట్లాడుతూ అత్యవసర పరిస్థితులలో  సుదూర గిరిజన ప్రాంతాల నుండి మెరుగైన వైద్య సేవలకుగాను విచ్చేసే ప్రజలకు సత్వరమే వైద్య సేవలందించేందుకు ప్రత్యేక వైద్య విభాగం ఎంతగానో తోడ్పడుతుందన్నారు. ఈ ప్రత్యేక విభాగంలో మందులకు ఎటువంటి కొరత లేకుండా  పూర్తి స్థాయిలో నిల్వ ఉండేలా చూడాలని,  సిబ్బంది ఎప్పటికప్పుడు అప్రమత్తంగా ఉండేలా చర్యలు తీసుకోవాలలన్నారు.   గిరిజన ప్రాంతాల నుండి వచ్చే ప్రజలకు ఎటువంటి అసౌకర్యం కలుగకుండా వైద్య సేవలందించాలని ఆసుపత్రి వైద్యులను సూర్యతేజ ఈ సందర్భంగా కోరారు.  ఆసుపత్రి సూపరింటెండెంట్ డా శశిధర్, ఆరోగ్యశ్రీ జిల్లా కోఆర్డినేటర్ డా. రాజీవ్, ప్రభృతులు పాల్గొన్నారు.

About Author

PvNews1

See author's posts