ఘనంగా భగత్సింగ్ వర్ధంతి వేడుకలు
1 min read
పల్లెవెలుగు వెబ్ పత్తికొండ: సర్దార్ భగత్ సింగ్ రాజగురు సుఖదేవ్ 92వ వర్ధంతి వేడుకలు ఘనంగా నిర్వహించారు. గురువారం స్థానిక చదువుల రామయ్య భవన్ లో ఏ ఐ ఎస్ ఎఫ్, ఏ ఐ వైఎఫ్ ల ఆధ్వర్యంలో భగత్సింఘ్ చిత్రపటానికి పూలమాల వేసి నివాళులర్పించారు.ఈ సందర్భంగా సీపిఐ రాష్ట్ర కార్యదర్శి పి.రామచంద్రయ్య మాట్లాడుతూ మార్చి 23 తేదీన మన స్వేచ్ఛ జీవితానికై తమ ప్రాణాలు ఫణంగా పెట్టి తెల్లదొరలకు వ్యతిరేకంగా వీరోచిత పోరాటాలు చేసి చివరకు తెల్ల దొరల నిరంకుశతానికి ఉరికొయ్యలను కూడా ముద్దాడి ప్రాణ త్యాగం చేసిన వీరి త్యాగ ఫలితమే మనకు ఈ స్వేచ్ఛ జీవితం అన్నారు.ఈ కార్యక్రమంలో సిపిఐ మండల కార్యదర్శి డి .రాజా సాహెబ్, వై ఎఫ్ జిల్లా కార్యదర్శి కారుమంచి,వివిధ ప్రజాసంఘాల నాయకులు, కార్యకర్తలు పాల్గన్నారు.
About Author
