‘కొప్పర్తి’ గృహ నిర్మాణానికి భూమిపూజ
1 min read![](https://i0.wp.com/newsnedu.com/wp-content/uploads/2021/06/7web080621.jpeg?fit=690%2C389&ssl=1)
పల్లెవెలుగు వెబ్, కడప: రాష్ట్ర ప్రభుత్వం ప్రతిష్టాత్మకంగా అమలు చేస్తున్న నవరత్నాలలో ఒకటై పేదలందరికీ ఇళ్ల నిర్మాణ పథకానికి సంబందించి పనులు వేగవంతం చేయాలని డిప్యూటీ సీఎం అంజాద్బాష, నగర మేయర్ సురేష్ బాబు సూచించారు. కొప్పర్తి లే అవుట్లో గృహ నిర్మాణ పనులకు మంగళవారం డిప్యూటీ సీఎం, నగర మేయర్, కమలాపురం ఎమ్మెల్యే రవీంద్రనాథ్ రెడ్డి , డిప్యూటీ మేయర్ ముంతాజ్ కలిసి భూమి పూజ చేశారు. ఈ సందర్భంగా డిప్యూటీ సీఎం అంజాద్ బాష మాట్లాడుతూ పేదవాడికి ఇల్లు నిర్మించాలన్న లక్ష్యంతో రాష్ట్ర ప్రభుత్వం గృహ నిర్మాణ పథకం అమలు చేస్తోందన్నారు. కార్యక్రమం లో 41వ డివిజన్ ఇంచార్జ్ జమాల్ వల్లి , 47వ డివిజన్ కార్పొరేటర్ పాక సురేష్ , 30 వ డివిజన్ కార్పొరేటర్ షఫీ , 45వ డివిజన్ శ్రీనివాసుల రెడ్డి గారు, 46వ డివిజన్ ఇంచార్జ్ రామచంద్ర రెడ్డి , 49వ డివిజన్ ఇంచార్జ్ మధు మరియు వై.యస్.ఆర్.సి.పి నాయకులు లబ్దిదారులు పాల్గొన్నారు.