ఘనంగా బడేటి రాధాకృష్ణయ్య (చంటి) జన్మదిన వేడుకలు..
1 min read
వేలాదిగా తరలివచ్చిన టిడిపి, జనసేన శ్రేణులు, అభిమానులు కార్యకర్తలు..
రాబోయే రోజుల్లో ప్రజాప్రతినిధిగా చూడాలని అభిమానులు పెద్ద ఎత్తున నినాదాలు
మరింత సేవ చేసే భాగ్యాన్ని మీరు కలిగించాలని అభ్యర్థిస్తున్న
బడేటి రాధాకృష్ణయ్య
పల్లెవెలుగు వెబ్ ఏలూరు జిల్లా ప్రతినిధి : టిడిపి ఏలూరు నియోజకవర్గ ఇన్చార్జి బడేటి రాధాకృష్ణయ్య (చంటి) పుట్టినరోజు వేడుకలు పురస్కరించుకొని ఆయన నివాసం వద్ద సోమవారం టీడీపీ శ్రేణులు, జనసేన శ్రేణులు జన్మదిన వేడుకలను ఘనంగా నిర్వహించారు. ఆయనను వేలాదిమంది వ్యక్తిగతంగా కలుసుకొని, భారీ గజమాలతో పుష్పగుచ్చాలు అందించి శాలువా కప్పి మిఠాయిలు తినిపించారు. మరి కొంతమంది చరవాణిల ద్వారా నిండు ఆయురారోగ్యాలతో అష్టైశ్వర్యాలతో సుఖశాంతులతో వర్ధిల్లాలని జన్మదిన శుభాకాంక్షలు తెలియజేస్తూ ఆశీర్వదించారు. రాబోయే సార్వత్రిక ఎన్నికల్లో టిడిపి తరఫున ఎమ్మెల్యేగా పోటీ చేసి విజయం సాధించి ఏలూరు నగర ప్రజలకు మరిన్ని సేవలు అందించాలని ఆకాంక్షించారు. ఆయన అభిమానులు, మిత్రులు, శ్రేయోభిలాషులు అనేక దేవాలయాలలో పూజారులతో, మసీదులలో మత గురువులతో, క్రైస్తవ ప్రార్ధన మందిరాలలో పాస్టర్లచే ప్రార్థనలు జరిపించి బడేటి చంటన్న నిండు నూరేళ్లు సుఖ సంతోషాలతో ఉండాలని ప్రార్థనలు జరిపించారు. ఆయన ఎమ్మెల్యే గా రాబోయే రోజుల్లో మనందరం చూస్తామని పెద్ద ఎత్తున నినాదాలు చేశారు. కార్పొరేటర్లు, మాజీ కార్పొరేటర్లు, మాజీ ఏఎంసీ చైర్మన్లు, వైస్ చైర్మన్లు, మాజీ ఎంపీటీసీలు, జడ్పీటీసీలు, మహిళా నేతలు భారీ కేకులు కట్ చేసి ఒకరినొకరు ఆప్యాయతో తినిపించుకున్నారు. విచ్చేసిన అభిమానులకు, కార్యకర్తలకు, పార్టీ శ్రేణులకు భారీ ఎత్తున నిర్వాహకులు వేలాదిమందికి ప్రేమ విందును అందజేశారు. బడేటి చంటి మాట్లాడుతూ ఎంత మంది పెద్ద ఎత్తున తరలివచ్చిన అభిమానులకు నా హృదయపూర్వక నమస్కారాలను తెలియజేస్తూ, నా మీద ప్రేమతో అభిమానంతో ఒక అన్నగా, ఒక తమ్ముడిగా మీరు నా మీద చూపిస్తున్న ప్రేమకు శిరస్సు వంచి నమకరిస్తున్నానన్నారు. రాబోయే రోజుల్లో మీ అందరికీ మరింత సేవ చేసే అదృష్టాన్ని మీరు కలిగించాలని కోరుతున్నాను అన్నారు. విచ్చేసిన వారికి ఏ ఎవరికి ఏ ఇబ్బంది కలగకుండా నిర్వాహకులు ప్రత్యేక ఏర్పాట్లను నిర్వహించారు.
About Author
