కన్నులపండువగా శ్రీ చౌడేశ్వరి దేవి జన్మదిన వేడుకలు
1 min read
– ప్రత్యేక పూజలు నిర్వహించిన ఎమ్మెల్యే ఆర్థర్
– వర్షాలు కురిపించాలని అమ్మవారిని వేడుకున్న ఎమ్మెల్యే
పల్లెవెలుగు వెబ్ నందికొట్కూరు: నందికొట్కూరు పట్టణంలో అమావాస్య సందర్భంగా శ్రీ చౌడేశ్వరి దేవి దేవాలయంలో అమ్మవారికి స్థానిక శాసనసభ్యులు సోమవారం ప్రత్యేక పూజలు నిర్వహించారు. ఎమ్మెల్యే ఆర్థర్ కు ఆలయ అర్చకులు పూర్ణ కుంభంతో స్వాగతం పలికారు. ఆలయ కమిటీ ఆధ్వర్యంలో ఎమ్మెల్యే ను ఘనంగా సన్మానించారు. ఈ సందర్భంగా ఆయన మాట్లాడుతూ నియోజక వర్గం లోని ప్రజలు సుఖ శాంతులతో జీవించాలని, వర్షాకాలంలో సమృద్ధిగా వర్షాలు కురిపించాలని అమ్మవారిని వేడుకున్నానన్నారు అ శ్రీ చౌడేశ్వరి దేవాలయ కమిటీ చైర్మన్, వైష్ణవి డిగ్రీ కళాశాల కరస్పాండెంట్ రవీంద్రబాబు ఎమ్మెల్యే ఆర్థర్ ను శాలువతో సన్మానించారు. ఈ కార్యక్రమంలో మున్సిపల్ వైస్ చైర్మన్ మొల్ల రబ్బాని , కౌన్సిలర్స్ జాకీర్, ఉండవెల్లి ధర్మారెడ్డి,సింగల్ విండో చైర్మన్ హుస్సేనయ్య ,ఏపీ రాష్ట్ర హౌసింగ్ బోర్డు డైరెక్టర్ రమాదేవి, వైసీపీ నాయకులు దేశెట్టి శ్రీనివాసులు, తమ్మడపల్లె విక్టర్ ,పెరుమాల జాన్, తదితరులు పాల్గొన్నారు.
About Author
