కోర్టులో బాంబ్ బ్లాస్ట్.. ఇద్ద‌రు దుర్మ‌ర‌ణం
1 min read
ప‌ల్లెవెలుగువెబ్ : పంజాబ్ లోని లుథియానా జిల్లా కోర్టు కాంప్లెక్స్ లో బాంబు పేలుడు సంభ‌వించింది. ఈ ఘ‌ట‌న‌లో ఇద్ద‌రు దుర్మ‌ర‌ణం చెందారు. న‌లుగురు వ్య‌క్తులు తీవ్రంగా గాయ‌ప‌డ్డారు. కోర్టు కాంప్లెక్స్‌లో ఉన్న రెండవ ఫ్లోర్ బాత్‌రూంలో నుంచి ఈ పేలుడు సంభవించినట్లు స్థానిక పోలీసులు పేర్కొన్నారు. పేలుడు తీవ్రతకు బాత్‌రూం గోడలు ధ్వంసమై సమీపంలోని కిటికీల అద్దాలు పగిలిపోయాయి. ప్రస్తుతం ఫైర్ డిపార్ట్‌మెంట్ సహా పోలీసులు సహాయక చర్యలు అందిస్తున్నారు. ఈ పేలుడు పై పంజాబ్ ముఖ్య‌మంత్రి ఆందోళ‌న వ్య‌క్తం చేశారు. నిందితుల్ని క‌ఠినంగా శిక్షిస్తామ‌ని తెలిపారు.
About Author
