ఆ రెండు రాష్ట్రాల్లో రేపటినుంచే ఖరీఫ్ పంట కొనుగోలు! దిగొచ్చిన కేంద్రం
1 min read
పల్లెవెలుగువెబ్, ఢిల్లీ: పంజాబ్, హర్యానా రాష్ట్రాల్లో ఖరీప్ పంట కొనుగోళ్లను వెంటనే ప్రారంభించాలన్న రైతుల డిమాండ్ను కేంద్రం దిగొచ్చింది. ఈమేరకు ఆదివారం నుంచే ఖరీప్ పంట కోనుగోళ్లను చేపడతామని కేంద్రప్రపభుత్వం ప్రకటించింది. కాగా కేంద్రం ప్రవేశపెట్టిన మూడు సాగు చట్టాలను ఉపసంహరించుకోవాలంటే దేశరాజధాని సరిహద్దుల్లో 10నెలలుగా పంజాబ్, హర్యానా రాష్ట్రాల అన్నదాతలు ఆందోళన చేపడుతోన్న విషయం తెలిసిందే. మొదట ఖరీఫ్ పంట కొనుగోళ్ల ప్రక్రియను అక్టోబర్ 11నుంచి నిర్వహించాలని నిర్ణయించిన కేంద్రం… రైతుల తీవ్ర ఒత్తిడి తీసుకరావడంతో శనివారం కేంద్ర వ్యవసాయ మంతృత్వ శాఖ సమీక్ష నిర్వహించి తన నిర్ణయాన్ని మార్చుకున్నట్లు వెల్లడిస్తూ ఖరీఫ్ పంట కొనుగోళ్లను 3వ తేదీ నుంచి ప్రారంభిస్తామని పేర్కొంది.
About Author
