తండ్రి బాలనాగిరెడ్డి గెలుపు కోసం కూతురు ప్రియాంక ప్రచారం
1 min read
పలు దేవాలయాల్లో పూజలు
ఫ్యాన్ గుర్తు కు ఓటు వేసి వై. బాలనాగిరెడ్డి ని గెలిపించాలని ప్రచారం చేసిన ప్రియాంక రెడ్డి.
పల్లెవెలుగు వెబ్ మంత్రాలయం : తండ్రి బాలనాగిరెడ్డి విజయం కోసం కూతురు ప్రియాంక ఎన్నికల ప్రచారం చేశారు. నియోజకవర్గ కేంద్రమైన మంత్రాలయం లో ఇంటింటికీ వెళ్లి ఓటర్ల ను నాలుగో సారి బాలనాగిరెడ్డి ని ఎమ్మెల్యే గా గెలిపించాలని ప్రచారం ప్రారంభించారు. ఇంటింటికీ తిరిగి నియోజకవర్గం మరింత అభివృద్ధి చెందాలంటే వై. బాలనాగిరెడ్డి ని మరో సారి ఎమ్మెల్యే గా గెలిపించాలని కోరారు. ముందుగా గ్రామదేవత మంచాలమ్మ, శ్రీ రాఘవేంద్ర స్వామి మూలబృందావనంకు ప్రత్యేక పూజలు నిర్వహించి మొక్కులు తీర్చుకున్నారు. అదే విధంగా రాఘవేంద్ర నగర్ లో కొలువుదీరిన తాయమ్మ, యల్లమ్మ, శ్రీశైలం మల్లికార్జున స్వామి దేవాలయాల్లో ప్రత్యేక పూజలు నిర్వహించి నారికేళాలు సమర్పించి పూజలు చేశారు. మండల వైకాపా అధ్యక్షులు జి. భీమారెడ్డి, ఇన్చార్జ్ సి. వి. విశ్వనాథ్ రెడ్డి, సర్పంచు తెల్లబండ్ల భీమయ్య, పెట్రోలు బంక్ శీను, బొంబాయి శివ ఆధ్వర్యంలో పలు ఇళ్లకు వెళ్లి, వృద్దాశ్రమం లో వృద్ధులను మే 13వ తేదిన జరిగే ఎన్నికల్లో ఎమ్మెల్యే వై. బాలనాగిరెడ్డి ని ఫ్యాన్ గుర్తు కు ఓటు వేసి అత్యధిక మెజార్టీతో గెలిపించాలని కోరారు. గతంలో ఎన్నడూ లేని విధంగా అభివృద్ధి, సంక్షేమానికి పెద్దపీట వేసిన ఘనత సీఎం వైఎస్. జగన్మోహన్ రెడ్డికే దక్కుతుందని కొనియాడారు. ఇంటింటికీ తిరుగుతున్న సమయంలో మహిళలు ప్రియాంక రెడ్డి ని అప్యాయత పలకరించి పసుపు, కుంకుమ అందజేసి పూలమాలలు వేసి శాలువ కప్పి సన్మానించారు. ఈ కార్యక్రమంలో వ్యవసాయ సలహా మండలి సభ్యులు మల్లికార్జున, వైస్ ఎంపీపీ పులికుక్క రాఘవేంద్ర, మండల సచివాలయ కో కన్వీనర్ వీకేసి రాఘవేంద్ర ఆచారి, ఉప సర్పంచ్ హోటల్ పరమేష్, ఎంపిటిసి సభ్యులు వెంకటేష్ శెట్టి,ముఖ్య నాయకులు, కార్యకర్తలు, పాల్గొన్నారు.
About Author
