బి.సి.ల.కులగణన చేపట్టాలి
1 min read
పల్లెవెలుగు వెబ్ వెలుగోడు: వెలుగోడు పట్టణంలో వేంపెంట సర్కిల్లో మహాత్మా జ్యోతిరావు పూలే 197 జయంతి ని మంగళవారం ఉదయం 8 గంటల కు జాతీయ బి.సి.సంఘము ఆధ్వర్యంలో ఘనంగా నిర్వహించారు. ముందుగా ఆయన విగ్రహానికి పూలమాల వేసి నివాళులు అర్పించారు.తర్వాత ఆయన ఆశయాలను సాధించాలని చెప్పారు. జాతీయ బి.సి.సంఘము రాష్ట్ర కార్యదర్శి ఎస్.రఘు రాముడు యాదవ్ మాట్లాడుతూ బి.సి.ఎస్సి ,ఎస్టీ , మైనార్టీల కలసి హక్కుల కోసం పోరాటం చేయాల్సిన ఆవశ్యకత ఏర్పడిందని అన్నారు.బి.సి.లకు చట్ట సభల్లో రిజర్వేషన్ కల్పించాలని , రాష్ట్ర , కేంద్ర ప్రభుత్వాలు కులగణన చేపట్టాలని , ప్రతి మండల కేంద్రంలో బి.సి.భవనాలను నిర్మించాలని , జనాభా ప్రాతిపదికన ఎమ్మెల్యే సీట్లు కేటాయించాలని కోరారు.ఈ కార్యక్రమంలో కె.వి.పి.ఎస్ జిల్లా ఉపాధ్యక్షుడు రాందాస్ , ఎస్టీ సంఘము జిల్లా నాయకులు నగేష్ నాయక్ , ఎమ్మార్పీఎస్ జిల్లా నాయకులు నాగశేషులు , బి.సి.మండల నాయకులు నాగేశ్వరరావు యాదవ్ , నాగన్న , ఖాజన్న గౌడ్ , అంకన్న , పేపర్ శివుడు తదితరులు పాల్గొన్నారు.
About Author
