నూతన ఎమ్మెల్సీల నియామకంపై సీఎం జగన్ కసరత్తు!
1 min read
పల్లెవెలుగువెబ్, అమరావతి: శాసనమండలిలో ఖాళీగా ఉన్న 11 ఎమ్మెల్సీ పదవులను భర్తీ చేసేందుకు ఏపీ సీఎం. జగన్ కసరత్తు మొదలుపెట్టారు. ఈమేరకు స్థానిక సంస్థల ఎమ్మెల్సీలు, ఎమ్మెల్యేకోటా ఎమ్మెల్సీల నియామకంపై దృష్టి సారించినట్లు తెలుస్తోంది. త్వరలో ఏపీ కేబినేట్ విస్తరణ జరుగనున్న దృష్ట్యా ఎమ్మెల్సీల నియామకం అనివార్యమైనట్లుగా సమాచారం. ఎమ్మెల్యేలుగా లేని వ్యక్తులకు కేబినేట్లో స్థానం కల్పించాలంటే నామినేట్ ఎమ్మెల్సీ పదవువల ద్వారా భర్తీ చేసే వీలు ఉంది. ఈ క్రమంలో సీఎం జగన్ ఎమ్మెల్సీ పదవుల కేటాయింపు ప్రక్రియపై దృష్టి సారించినట్లు తెలుస్తోంది. ఈ క్రమంలో కొందరి పేర్లు తెరమీదకు వచ్చినట్లు సమాచారం. గుంటూరు జిల్లా నుంచి మర్రి రాజశేఖర్, ఉమ్మారెడ్డి వెంకటేశ్వర్లు, నెల్లూరు జిల్లా నుంచి మస్తాన్రావు, చిత్తూరు జిల్లా నుంచి భరత్, హరిప్రసాద్, విశాఖ నుంచి వరుదు కళ్యాణి, కృష్ణా జిల్లా నుంచి యార్లగడ్డ వెంకటరావు, అనంతపురం జిల్లా నుంచి వై.లక్ష్మీదేవి, ప్రకాశం జిల్లా నుంచి ఆమంచి కృష్ణమోహన్ పేర్లు పరిశీలనలో ఉన్నట్లుగా రాజకీయ వర్గాల ద్వారా తెలుస్తోంది.
About Author
