రాష్ట్రంలో కిశోరబాలికల ‘స్వేచ్ఛ’ పథకానికి సీఎం జగన్ శ్రీకారం!
1 min read
పల్లెవెలుగువెబ్, అమరావతి: రాష్ట్రంలో సీఎం జగన్ ‘స్వేచ్చ’ పథకానికి శ్రీకారం చుట్టారు. ఈమేరకు మంగళవారం తాడేపల్లిలోని క్యాంప్ కార్యాలయంలో మహిళలు, కిశోర భాలికల ఆరోగ్య భద్రత దృష్ట్యా ప్రభుత్వం ప్రవేశపెట్టిన ‘స్వేచ్ఛ’ కార్యక్రమాన్ని మంగళవారం సీఎం జగన్ ప్రారంభించారు. ముఖ్యంగా విద్యార్థునులు ఆరోగ్య సంరక్షణ, పరిశుభ్రతకు ప్రాధాన్యత ఇవడంతోపాటు విద్యకు దూరం కాకుండా ఉండే లక్ష్యంతో ప్రభుత్వం స్వేచ్ఛ పథకాన్ని రూపొందించింది. 7–12తరగతుల విద్యార్థునుల రుతుక్రమ సమస్యలను దృష్టిలో ఉంచుకుని శానిటరీ న్యాప్కిన్ల పంపిణీ చేయనున్నారు. రాష్ట్రంలో 10లక్షల మంది కిశోర బాలికలకు ఉచితంగా నాప్కిన్లు పంపిణీ చేయడం జరుగుతుందని జగన్ పేర్కొన్నారు. రాష్ట్రంలో 10,388పాఠశాలలు, కళాశాలల్లో విద్యార్థునులకు శానిటరీ నాప్కిన్లు పంపిణీ చేయనున్నారు. ప్రతినెలా ఆయా జిల్లాల ఆసరా విభాగం జాయింట్ కలెక్టర్ల పర్యవేక్షణలో ఈ కార్యక్రమం జరుగుతుంది. మహిళా ఉపాధ్యాయులు, ఏఎన్ఎంలు భాలికలకు అవగాహన కల్పిస్తారు. స్వేచ్ఛ పథకం అమలుపై నోడల్ అధికారిగా మహళా టీచర్లను నియమిస్తారు. అలాగే పట్టణ, గ్రామీణ ప్రాంతాల మహిళలకు వైఎస్ఆర్ చేయూత స్టోర్లలో శానిటరీ నాప్కీన్లను తక్కువ ధరకే అందుబాటులో ఉంచుతారు. కార్యక్రమంలో విద్య, వైద్య ఆరోగ్య, స్త్రీ,శిశుసంక్షేమ శాఖల మంత్రులు, అధికారులు పాల్గొన్నారు.
About Author
