తిరుమల శ్రీవారికి పట్టువస్త్రాలు సమర్పించిన సీఎం జగన్! పలుప్రారంభోత్సవాలు
1 min read
పల్లెవెలుగువెబ్, తిరుపతి: తిరుమల తిరుపతి దేవస్థానంలో జరుగుతోన్న సాలకట్ల బ్రహ్మోత్సవాల్లో శ్రీవారికి సీఎం జగన్ సోమవారం రాష్ట్ర ప్రభుత్వం తరపున పట్టువస్త్రాలు సమర్పించారు. శ్రీవారి బ్రహ్మోత్సవాల్లో జరిగే గరుడ వాహనసేవకు ఎంతో ప్రాధాన్యత ఉంది. ఈక్రమంలో శ్రీవారికి గరుడ వాహన జరిగే సోమవారం రోజున సీఎం జగన్ ప్రభుత్వ లాంఛనాలతో సంప్రదాయబద్ధంగా పట్టువస్త్రాలు సమర్పించారు. ముందుగా సీఎం జగన్కు అర్చకస్వాములు పరిపట్టం ధరింపజేశారు. అనంతరం పట్టువస్త్రాలను శిరస్సున ధరించిన జగన్ మేళతాళాల నుడమ శ్రీవారి ఆలయానికి వెళ్లి సమర్పించారు. అనంతరం గరుడవాహనసేవలో పాల్గొన్నారు. కార్యక్రమంలో సీఎం వెంట రాష్ట్ర మంత్రులు వెల్లంపల్లి శ్రీనివాస్, పెద్దిరెడ్డి రామచంద్రారెడ్డి, కొడాలినాని, నారాయణస్వామి, తితిదే చైర్మన్ వైవీ.సుబ్బారెడ్డి, ఈవో జవహర్రెడ్డి తదితరులు ఉన్నారు. అంతకుముందు సీఎం జగన్ తిరుమలలోని పలు ప్రారంభోత్సవ కార్యక్రమాల్లో పాల్గొన్నారు. ఈమేరకు అలిపిరి శ్రీవారి పాదాల చెంత రూ.15కోట్ల వ్యయంతో నిర్మించిన సప్తగోప్రదక్షిణ మందిరాన్ని జగన్ ప్రారంభించారు. అలాగే అలిపిరి నడకమార్గానికి ఏర్పాటు చేసిన పైపును ప్రారంభించారు. తదుపరి శ్రీవారి బ్రహ్మోత్సవ సేవల్లో పాల్గొన్నారు. కాగా సోమవారం మధాహ్నం తిరుపతిలోని టీటీడీ బర్డ్ వైద్యశాలలో శ్రీపద్మావతి చిన్నపిల్లల గుండె చికిత్సల విభాగాన్ని సీఎం జగన్ ప్రారంభించారు.
About Author
