జనసేన.. టిడిపి అధికారంలోకి రావాలని శ్రీశైలానికి పాదయాత్ర
1 min read
పల్లెవెలుగు వెబ్ మిడుతూరు: వచ్చే ఎన్నికల్లో ఉమ్మడి జనసేన మరియు తెలుగుదేశం పార్టీ అధికారంలోకి రావాలని కోరుతూ జనసేన పార్టీ అధ్యక్షులు పవన్ కళ్యాణ్ వీరాభిమాని యువకుడు సంగన్న గారి ప్రభాకర్ జనసేన పార్టీ జెండాను చేత పట్టుకొని రోడ్డు వెంట శ్రీశైలానికి పాదయాత్రగా వెళ్లారు.వివరాల్లోకి వెళితే నంద్యాల జిల్లా మిడుతూరు మండల పరిధిలోని గుడిపాడు గ్రామానికి చెందిన రాముడు రాములమ్మ కుమారుడు ప్రభాకర్ చిన్నతనం నుండే పవన్ కళ్యాణ్ కు వీరాభిమాని జనసేన పార్టీ స్థాపించినప్పటి నుండి ప్రతి కార్యక్రమంలోనూ చురుగ్గా పాల్గొంటూ ఉన్నారు. గత ఏడాది కూడా పాదయాత్రగా శ్రీశైలానికి, తిరుపతికి వెళ్లారు.ఈ విషయాన్ని తెలుసుకున్న పార్టీ నాయకులు పార్టీ అధినేత పవన్ కళ్యాణ్ అమరావతిలో పార్టీ కార్యాలయానికి పిలిపించుకొని ప్రభాకర్ ను పవన్ కళ్యాణ్ భుజం తట్టి అభినందించారు.ఈనెల 5 వ తేదీ ఉ.6 గంటలకు స్వగ్రామం నుండి బయలుదేరి నిన్న సాయంత్రం శ్రీశైలం శ్రీ భ్రమరాంబ మల్లికార్జున స్వామి వారి సన్నిధిలో పవన్ కళ్యాణ్ అధికారంలోకి రావాలని ప్రభాకర్ ప్రత్యేకంగా పూజలు నిర్వహించారు.దారి వెంట వెళ్తున్న నీకు సాటి లేరు వారెవ్వరూ అంటూ దారి వెంట వెళ్తున్న వారు ప్రభాకర్ ను అభినందించారు.ఈ కార్యక్రమంలో మహేష్ రాజశేఖర్ సువర్ణమ్మ తదితరులు పాల్గొన్నారు.
About Author
