సైనిక్ స్కూల్కు ఎంపికైన విద్యార్థులకు అభినందన: కర్నూలు ఎస్పీ
1 min read
పల్లెవెలుగు వెబ్, కర్నూలు: కర్నూలు నుండి చిత్తూరు, విజయనగరం సైనిక్ పాఠశాలలకు ఎంపికయిన 6 మంది విద్యార్దులను అభినందించారు జిల్లా ఎస్పీ సిహెచ్. సుధీర్ కుమార్ రెడ్డి ఐపియస్. శనివారం జిల్లా పోలీసు కార్యాలయంలో సైనిక్ స్కూల్కు ఎంపికైన విద్యార్థులు ఎస్పీని కలిశారు. విజయనగరం జిల్లాలోని కోరుకొండ సైనిక పాఠశాలలో 6 వ తరగతికి అజయ్ , సోల్ మాన్ రాజు ఎంపికయ్యారు. చిత్తూరు జిల్లాలోని కలికిరి సైనిక పాఠశాలలో 9 వ తరగతికి వినయ్ కుమార్, నవనీత్ ప్రీతం 6వ తరగతికి రంగారెడ్డి, అభిరాం లు ఎంపికయ్యారు. విద్యార్థులను, సైనిక పాఠశాలలో ఎంపిక కావడానికి శిక్షణ ఇచ్చిన కర్నూలు , ఎస్ హెచ్ ఎస్ కోరుకొండ సైనిక్ స్కూల్ కోచింగ్ సెంటర్ నిర్వాహకులను ఎస్పీ సుధీర్ కుమార్ రెడ్డి అభినందించారు. మంచి స్ధాయికి ఎదగాలని విద్యార్ధులకు సూచించారు. కార్యక్రమంలో కర్నూలు తాలుకా సిఐ కంబగిరి రాముడు, ఎస్ హెచ్ ఎస్ కోరుకొండ సైనిక్ స్కూల్ కోచింగ్ సెంటర్ డైరెక్టర్ హారి, విద్యార్దుల తల్లిదండ్రులు పాల్గొన్నారు.
About Author
