నకిలీ కరెన్సీ నోట్ల మోసం..!

-ఇద్దరి అరెస్ట్
పల్లెవెలుగు వెబ్​, ప్యాపిలి: లక్ష రూపాయలుకు ఒరిజినల్​ నోట్లు ఇస్తే… మూడు లక్షలు ఇస్తామని చెప్పి.. ఓ అమాయకుడి దగ్గర రూ.19లక్షలు వసూలు చేసిన మోసగాళ్లను పోలీసులు గురువారం రాత్రి అరెస్టు చేశారు. నకిలీ నోట్ల విషయమై ఈ నెల 6వ తేదీన కోదండరాముడు భార్య సారం మంగమ్మ ప్యాపిలి పోలీస్​ స్టేషన్​లో ఫిర్యాదు చేసింది. ఆ కేసు విచారణలో ఉండగానే మోసగాళ్ల భాగోతం బయట పడింది. వివరాలిలా ఉన్నాయి. ప్యాపిలికి చెందిన కోదండరాముడు అనే వ్యక్తి అమాయకత్వాన్ని ఆసరాగా చేసుకున్న ప్యాపిలి మండలం వెంగళంపల్లికి చెందిన మెట్టుపల్లి విజయభాస్కర్​, కడపకు చెందిన ఆవుల రాజశేఖర్​ ఘరానా మోసానికి పాల్పడ్డారు. కోడండరాముడు నుంచి లక్ష రూపాయలు ఒరిజినల్​ నోట్లు తీసుకుని.. రూ. మూడు లక్షలు నకిలీ నోట్లు ఇచ్చారు. ఈ విషయమై మార్చి 6వ తేదీన కోదండరాముడు భార్య సారం మంగళం పోలీస్​ స్టేషన్​లో ఫిర్యాదు చేసింది. గురువారం రాత్రి పోలీసులు ప్యాపిలీలో వాహనాలు తనిఖీ చేస్తుండగా ఇద్దరు మోసగాళ్లు విజయభాస్కర్​, రాజశేఖర్​ వద్ద నుంచి రూ.3.50లక్షలు స్వాధీనం చేసుకున్నారు. ముద్దాయిలను రిమాండ్​కు పంపారు. నకిలీ నోట్ల చెలామణిలో ఎవరెవరు ఉన్నారనే కోణంలో దర్యాప్తు చేస్తున్నామని సీఐ రామలింగయ్య, ఎస్​ఐ మారుతి శంకర్​ తెలిపారు.

About Author

PALLEVELUGU

See author's posts