తెగువకు.. అభినందన
1 min read
ప్రశంసపత్రాలు అందజేస్తున్న ఎస్పీ డా.ఫక్కీరప్ప
– గోనెగండ్ల సీఐ, ఎస్ఐలను అభినందించిన ఎస్పీ ఫక్కీరప్ప
పల్లెవెలుగు వెబ్, గోనెగండ్ల: ఘటన జరిగిన అతి తక్కువ సమయంలోనే ముద్దాయిలను పట్టుకోవడం అభినందనీయమన్న కర్నూలు జిల్లా ఎస్పీ డా. ఫక్కీరప్ప … తెలుగు రాష్ట్రాల్లో సైబర్ చోరీలకు పాల్పడే ఓ ఘరానా దొంగను పట్టుకున్న గోనెగండ్ల పోలీసుల తెగువ ప్రశంసనీయమన్నారు. గోనెగండ్లలో చింతలముని నల్లారెడ్డి స్వామి వారి ఆలయంలో చోరీ చేసిన దొంగలను 48 గంటల్లో పట్టుకున్నారు. అదేవధంగా నకిలీ డీఎస్పీ నంటూ తెలుగు రాష్ట్రాల్లో సైబర్ నేరాలకు పాల్పడే ముద్దాయిని నిఘా వేసి పట్టుకోవడం ప్రశంసనీయమన్నారు. సోమవారం జిల్లా పోలీసు కార్యాలయంలో కోడుమూరు సీఐ శ్రీధర్, గోనెగండ్ల ఎస్ఐ శరత్ కుమార్ రెడ్డి, కానిస్టేబుళ్లను గోనెగండ్ల పోలీస్ స్టేషన్లో అభినందించి.. ప్రశంసాపత్రాలు అందజేశారు. ఉద్యోగ ప్రస్థానం లో బాధ్యతను ప్రదర్శించి అధికారులు, ప్రజలచే మన్ననలు పొందాలని అన్నారు.
About Author
